चोपडा शहरात R R R Centre सुरू
“ मेरी लाईफ मेरा स्वच्छ शहर ”
अभियानांतर्गत नगर परिषदेचा उपक्रम
केंद्रीय गृहनिर्माण आणि नागरी व्यवहार मंत्रालयाने (MOHUA) “ मेरी लाईफ मेरा स्वच्छ शहर ” हे अभियान देशभरात राबविणेचा निर्णय घेतला असुन या अभियाना अंतर्र्गत प्रत्येक स्थानिक स्वराज्य संस्थांना “ रिड्युस, रियुज आणि रिसायकल ” सेंटर म्हणजेच R R R केंद्र स्थापन करणे बाबत निर्देश दिले आहेत.
त्याअनुषंगाने चोपडा नगरपरिषदे मार्फत स्वच्छ भारत अभियान , स्वच्छ सर्वेक्षण , माझी वसुंधरा अभियान , कचरा मुक्त शहर अभियान , मेरी लाईफ मेरा स्वच्छ शहर अभियान अंतर्गत न.प. परिसरात दि.20/05/2023 पासुन “ रिड्युस, रियुज आणि रिसायकल ” सेंटर म्हणजेच R R R केंद्र स्थापन करणेत आलेले आहे. त्याअंतर्गत चोपडा शहरातील नागरिकांना आवाहन करणेत येते की , आपले कडील निरुपयोगी वस्तु जसे कपडे, पादत्राणे , भांडी , पुस्तके , प्लास्टिकच्या वस्तु , शोभेच्या वस्तु , स्टेशनरी इ. प्रकारच्या वस्तु न.प. R R R केंद्रात जमा करावे. जेणेकरुन कचऱ्या ची निर्मिती कमी होईल , कचऱ्या चा पुर्नवापर होईल किंवा कचऱ्या पासुन नवीन वस्तु तयार केल्या जातील. त्यामुळे आपल्या शहराच्या सौंदर्यी करणात भर पडेल व आपले शहर स्वच्छ व सुंदर राहील. तसेच नगरपरिषद प्रशासनास सहकार्य करावे असे आवाहन चोपडा नगरपरिषदेचे मुख्याधिकारी हेमंत निकम यांनी केले आहे.
No comments:
Post a Comment