उर्वेश साळुंखे यांच्या कडुन संत गाडगेबाबा यांच्या पुण्यतिथी निमित्त पर्यावरण वाचवण्यासाठी जनजागृती....

 

चोपडा (प्रतिनिधी) : - -

          उर्वेश साळुंखे यांच्या कडुन संत गाडगेबाबा यांच्या पुण्यतिथी निमित्त पर्यावरण वाचवण्यासाठी जनजागृती

         बुधगाव येथील रहिवासी उर्वेश साळुंखे यांनी संत गाडगेबाबा पुण्यतिथी निमित्त चोपडा येथे नगरपरिषद समोर पर्यावरण वाचवण्यासाठी जनजागृती केली. सकाळी ठिक 11 वाजता संत गाडगेबाबा यांच्या प्रतिमेचे पूजन करून या जनजागृती कार्यक्रमाला सुरुवात करण्यात आली.

         नागरिकांन मध्ये जनजागृती करत असताना लक्ष वेधण्यासाठी उर्वेश साळुंखे यांनी सर्व प्लास्टिकच्या पिशव्या आपल्या अंगावर लावल्या होत्या. परिसराची स्वच्छता केली पाहिजे व प्लास्टिकचा वापर कमी झाला पाहिजे यांचे घोष वाक्याची पत्रिके छापून नागरिकांन मध्ये वाटप केली. लोकांना स्वच्छतेचे व प्लास्टिकचे न वापरण्याचे महत्व सांगण्यात आले.

         या जनजागृती मोहिमेला पाठिंबा दर्शविण्यासाठी देण्यात येणाऱ्या निवेदनावर असंख्य नागरिकांनी सह्य केल्या. या नंतर दुपारी 2 : 30 वाजता तहसिलदार भाऊसाहेब थोरात यांना व मुख्याधिकारी नगरपरिषद चोपडा यांना निवेदन देण्यात आले.

         या अनोखा पर्यावरण बचाव जनजागृती आंदोलनाला असंख्य नागरिकां सह माजी विधानसभा अध्यक्ष अरूणभाई गुजराथी , मा.आ. कैलास पाटील , चो.का.सा चेअरमन चंद्रहास गुजराथी , अजितदादा समर्थक सुनील पाटील (वाळकी) , चो.सा.का  माजी. चेअरमन घनशाम पाटील , सर्व राजकीय पक्षाचे पदाधिकारी, पत्रकार, पर्यावरण प्रेमी नागरिकांनी या जनजागृती आंदोलनाला प्रत्यक्ष भेटून पाठिंबा दिला. या निवेदनाच्या प्रती जिल्हाधिकारी जळगाव , उपमुख्यमंत्री अजित पवार , उपमुख्यमंत्री देवेंद्र फडणवीस , मुख्यमंत्री एकनाथ शिंदे यांना पाठवण्यात आल्या.