ऑक्सफर्ड इंग्लिश मीडियम स्कूल मध्ये विद्यार्थ्यांचे जल्लोषात स्वागत
चोपडा येथील महात्मा गांधी शिक्षण मंडळ संचलित ऑक्सफर्ड इंग्लिश मीडियम स्कूल मध्ये शाळेच्या पहिल्या दिवसाच्या अनुषंगाने विद्यार्थ्यांचे ढोल ताशांच्या गजरात तिलक पूजन करून जल्लोषात स्वागत करण्यात आले. शाळेच्या मुख्य प्रवेशद्वारापासून विद्यार्थ्यांसाठी पायघड्या टाकण्यात आल्या. फुले, फुगे, पताका आणि रांगोळ्यांनी शाळेचा सर्व परिसर सजविण्यात आला. आकर्षक रांगोळीने सजावट करून विद्यार्थ्यांसाठी प्रसन्न वातावरणाची निर्मिती करण्यात आली.
याप्रसंगी विद्यार्थ्यांना चॉकलेटचे वाटप करण्यात आले. 'शाळेतील माझा पहिला दिवस' असा संदेश असणारा सेल्फी पॉईंट पूर्व प्राथमिक गटातील विद्यार्थ्यांसाठी आकर्षणाचा केंद्रबिंदू ठरला. प्राण्यांची अनोखी वेशभूषा परिधान करून प्राथमिक गटातील विद्यार्थ्यांनी प्रथमच शाळेत पाऊल टाकणाऱ्या विद्यार्थ्यांचे अनोख्या पद्धतीने स्वागत केले.
याप्रसंगी शाळेच्या मुख्याध्यापिका ममता कपिल न्याती आणि शाळेतील सर्व शिक्षक व शिक्षकेतर कर्मचारी उपस्थित होते. कार्यक्रमाच्या यशस्वीतेसाठी सर्व शिक्षक व शिक्षकेतर कर्मचाऱ्यांचे सहकार्य लाभले.
No comments:
Post a Comment