उदगीर येथील ९५व्या अखिल भारतीय मराठी साहित्य संमेलनात गझल सादरीकरणासाठी डॉ. कुणाल पवार व शरद धनगर यांना निमंत्रित…
उदगीर येथे होऊ घातलेल्या "९५ व्या अखिल भारतीय मराठी साहित्य संमेलनात" जळगाव जिल्ह्यातून डॉ. कुणाल पवार व शरद धनगर या युवा गझलकारांना निमंत्रित करण्यात आले आहे. करणखेडा ता. अमळनेर येथील गझलकार शरद धनगर व लोंढवे ता. अमळनेर येथील डॉ. कुणाल पवार यांची साहित्य संमेलनात गझलकट्टयावर होणाऱ्या मराठी गझल मुशायऱ्यात गझल सादरीकरणासाठी निमंत्रित करण्यात आले आहे. संमेलनात साधारण १० गझल मुशायरे दोन दिवसात होणार असून याबाबत निमंत्रण पत्र नुकतेच प्राप्त झाले आहे. दि.२२एप्रिल ते २४एप्रिल दरम्यान मराठवाड्यातील उदगीर येथे संमेलन होणार आहे. शरद धनगर हे मराठी अहिराणी व हिंदी भाषेतून कवी व गझल लेखन करतात ते प्रसिद्ध युवा गझलकार असून आपल्या कविता व गझलांच्या माध्यमातून जळगांव जिल्हाचं प्रतिनिधित्व करतात.एक सामान्य शेतकरी असून ते उत्तम गझलकार म्हणून ते महाराष्ट्रभर प्रसिद्ध आहेत.तर डॉ. कुणाल पवार हे ढेकू ता.अमळनेर येथे जिल्हा परिषद प्राथमिक शिक्षक असून ते उत्तम लेखक, कवी व गझलकार म्हणून ते सुपरिचित आहेत. त्यांचे दोन कविता संग्रह पुढील महिन्यात प्रकाशित होत आहेत. मागील वर्षी देखील त्यांना नाशिक येथील संमेलनात निमंत्रित केले होते. दोघांच्याही निवडीबद्दल सर्वत्र कौतुक व अभिनंदन करण्यात येत आहे.
No comments:
Post a Comment