कर्जाने आश्रम शाळेत विद्यार्थ्यांच्या जीवाशी खेळ : अखिल भारतीय आदिवासी परिषद संघटने कडून तहसीलदार यांना निवेदन .....

चोपडा (प्रतिनिधी) : - -

           शासकीय आदिवासी आश्रम शाळा कर्जाने येथील विद्यार्थ्यांच्या जिवाशी होतोय खेळ ; अखिल भारतीय आदिवासी परिषद संघटनेकडुन तहसिलदार यांना निवेदन......

        गृहपाल असतात सतत गैरहजर......

          शरदचंद्रिका पाटील पो. बे. शासकीय आदिवासी आश्रम शाळा कर्जाने येथील आदिवासी विद्यार्थ्यांना त्रास होत आहे. याबद्दल विध्यार्थ्यांना विचार पूस केली असता आम्हाला जेवणामध्ये सतत एकच मेनू दिला जातो आणि त्यामध्ये अळी पडलेले जेवण विद्यार्थ्यांनां देत असतात. जेवणाच्या वेळेला मुलांना जेवण वाढण्यासाठी सागितले जाते व तेथील कर्मचारी वाढत नाही व जेवनाची मेनू फलक दर्शनी जागेवर लावलेले नाही. विशेष म्हणजे मुदत संपलेले आहार अन्न मुलांना शिजवून देतात, वसतिगृहातील शौचालयची व्यवस्था, पाण्याची व्यवस्था नाही मुख्याध्यापक शाळेत वेळेवर उपस्थित राहत नाही

           मुला-मुलीचे वसतिगृह येथील शौचालयाची साफ सफाई मुलीकडून केली जाते, बायोलोजी शिक्षक नाही, मुलींचे वसतिगृह येथील गृहपाल हर्षली प्रवीण पाटील सतत गैरहजर असतात व मुलीना सतत त्रास देतात तसेच निवासीस्थान नाही. याबद्दल मुख्याध्यापक श्री.सावकारे सर यांना विध्यार्थी यांनी वारंवार तक्रार करून सुद्धा त्याकडे ते लक्ष देत नाहीत असे विध्यार्थीनी विद्यार्थ्यांचे म्हणणे आहे. सदर शाळेत सहाय्यक प्रकल्प अधिकारी संदीप पाटील आले असता वरील समस्याचे लेखी स्वरुपात विषय मांडण्यात आल्या.

          सदर विषयाच्या समस्या सोडविण्यात याव्यात व येथील मुख्याध्यापक गृहपाल यांच्यावर कठोर कारवाई करण्यात यावी व विद्यार्थ्यांना न्याय मिळण्यात यावे. जर वरील समस्या सोडविल्या नाही. तर अखिल भारतीय आदिवासी विकास परिषद शाखा - चोपडा दिनांक 7 / 8 / 2023 रोजी विद्यार्थी आमरण उपोषणाला बसणार आहेत. यावेळी उपस्थीत पदाधिकारी पदाधिकारी नामा पावरा जळगाव जिल्हाध्यक्ष, करण शेवाळे उत्तर  महारांष्ट्र प्रसिद्धी प्रमुख, सचिन पावरा चोपडा तालुकाध्यक्ष आदी उपस्थीत होते.