आत्मलेश आंदोलन व आमरण उपोषण तात्पुरते तीन दिवस स्थगित . . . .

 चोपडा (प्रतिनिधी) : - -

          आत्मलेश आंदोलन व आमरण उपोषण तात्पुरते तीन दिवस स्थगित . . . .

         चोपडा तालुक्यातील शेतकऱ्यांचा त्यांचे हक्काचे ऊसाचे एफ आर पी चे 2014 / 15 च्या काळातील थकीत पैसे चोपडा साखर कारखान्याकडून शेतकऱ्यांना वितरीत करणेसाठी भाडेतत्त्वावर घेतलेली संस्था " बारामती ऍग्रो ली." यांनी जून 2023 मध्ये देण्याचे कबूल केले होते. परंतु ते अद्याप न दिल्याने शेतकरी कृती समिती व त्यांचे सहकारी येत्या सोमवारी दि.  11 / 9 / 2023 पासून आत्मक्लेश आंदोलन सोबत आमरण उपोषणाला बसणार होते .

         आदरणीय अरुणभाई गुजराथी , बारामती ऍग्रो चे व्हा.चेअरमन गुळवे व चोपडा कारखान्याचे चेअरमन चंद्रहासभाई गुजराथी यांची चर्चा झाली. व त्यात संचालक मंडळाच्या 13 / 9 / 2023 रोजीचे सभेत या बाबत निर्णय घेवून लगेच पैसे ट्रान्सफर ची कार्यवाही केली जाईल असा विश्वास दिल्याने व आंदोलन तात्पुरते स्थगित करण्याची विनंती केल्याने.

         शेतकरी कृती समितीने सहकाऱ्यांशी चर्चा केली असता फक्त तीन चार दिवसांचा प्रश्न असल्याने थांबणे उचित होईल असा निर्णय घेतल्याने 13 / 9 / 2023 चे संचालक मंडळ सभेतील निर्णय पर्यंत थांबण्याचा निर्णय घेतला. चुकून अनुचित निर्णय झाला तर 14 / 9 / 2023 रोजी पत्रकार परिषद घेवून निर्णय घेवून आंदोलन बाबत तारीख कळवली जाईल. असे शेतकरी कृती समिती व सहकार्या तर्फे एस. बी. पाटील यांनी कळविले आहे.