ऑक्सफर्ड इंग्लिश मिडीयम स्कूल मध्ये 'येलो डे' उत्साहात साजरा . . .

 चोपडा (प्रतिनिधी) : - -

         ऑक्सफर्ड इंग्लिश मिडीयम स्कूल मध्ये 'येलो डे' उत्साहात साजरा . . .

        चोपडा येथील महात्मा गांधी शिक्षण मंडळ संचलित ऑक्सफर्ड इंग्लिश मिडीयम स्कूल चोपडा येथे के.जी.सेक्शन चा 'येलो डे' उत्साहात साजरा करण्यात आला. पिवळा रंग विविध कामांसाठी वापरण्याच्या युक्त्याही शिकविण्यात आल्या.  कार्यक्रमा दरम्यान मुलांनी पिवळ्या रंगाचा वापर करून विविध वस्तूंचे सौंदर्य वाढवले ​​आणि खूप मजा केली.

           कार्यक्रमादरम्यान शाळेच्या  समन्वयिका सुचिता पाटील यांनी मुलांना सांगितले की, पिवळ्या रंगाचे गुण आणि त्याचे महत्त्व याविषयी माहिती देण्यासाठी शाळेत यलो डे कार्यक्रमाचे आयोजन केले जाते.

           या कार्यक्रमा निमित्ताने मुख्याध्यापिका ममता कपिल न्याती यांनी वैज्ञानिक दृष्टिकोनातूनही हा रंग मानवी जीवनासाठी अत्यंत उपयुक्त आहे. सूर्याचे तेजस्वी आणि मजबूत किरण देखील पिवळे असतात. हा रंग उबदार आणि निसर्गाने ऊर्जा निर्माण करणारा आहे. यामुळे पचनसंस्था, रक्ताभिसरण होतो. या रंगात मन बदलण्याची क्षमता आहे आणि जीवनातील शुभतेचे प्रतीक आहे. उपमुख्याध्यापक अमन पटेल, सांस्कृतिक विभाग प्रमुख शिक्षिका दिपाली पाटील यांनी विद्यार्थ्यांना मार्गदर्शन केले.

           विद्यार्थ्यांनी पिवळ्या रंगाच्या पालेभाज्या, फळं यांचे पोशाख परिधान करून त्याविषयी माहिती आपल्या कलागुणांतून सादर केली. सोनाली देवरे, माधुरी पाटील, जुईली ठाकरे, शितल भावसार, मनिषा चौधरी, रागिनी धनगर या शिक्षिकांनी कार्यक्रमाचे यशस्वी आयोजन केले. कार्यक्रमाच्या यशस्वीतेसाठी सर्व शिक्षक व शिक्षकेतर कर्मचाऱ्यांचे सहकार्य लाभले.