चोपडा येथील दोन्ही महाजन बंधूंनी तैवान मध्ये फडकवला भारतीय तिरंगा . . . .

 चोपडा (प्रतिनिधी) : - -

           चोपडा येथील दोन्ही महाजन बंधूंनी तैवान मध्ये फडकवला भारतीय तिरंगा . . . .

          एशियन पिकल बॉल स्पर्धा 2023 मध्ये तैवान (तैयपेई) येथे चोपडा (पाटिलगढी) येथील माळी बंधु यांनी चि. तेजस महाजन व वांशिक कपाडिया (मुंबई) सोबत मेन्स डबल्स मध्ये गोल्ड मेडल मिळवले तसेच चि. तेजस महाजन व चि. कुलदीप महाजन या दोन्ही भावंडांनी टीम इव्हेंट मध्ये सुध्दा सिल्वर मेडल प्राप्त केले व रोख बक्षीस ही मिळवून आपल्या भारत देशाचे नाव लौकिक केले.

         चि. तेजस व चि.कुलदीप यांचे आई - वडील श्री. रवींद्र नारायण महाजन व सौ मायाताई रवींद्र महाजन हे सर्वसामान्य परिस्थितीचे असुनही त्यांनी आपल्या दोन्ही मुलांना उच्च शिक्षण देऊन खेळांमध्ये सुध्दा मुलांना पाठबळ देवून भारतातील विविध नामांकित शहरात तसेच विदेशात यशाला गवसणी घालायला प्रोत्साहन देत असतात.

            या दोघ बंधूंचे सर्वचस्तरातून मित्रपरिवार, नातलग समाज बांधव यांच्या कडून अभिनंदनाचा वर्षाव होत आहे. तसेच या दोघ बंधूंनी आगामी काळात, आई - वडील, नातलग, समाजाचे, गावाचे व आपल्या भारत देशाचे नाव लौकिक व यश प्राप्त करत राहावे हिच सदिच्छा वक्त होत आहे.

          तैवान येथे झालेल्या एशियन पिकलबॉल 2023 स्पर्धेसाठी प्रबोधनकार ठाकरे क्रिडा संकुल ऑल इंडिया पिकलबॉल असोशियान (AIPA) विलेपार्ले येथील अरविंद प्रभू सर (दादा) निखिल माथूर सर आणि यशोधन सर यांचे या दोन्ही भावांना मोलाचे सहकार्य लाभले.