ऑक्सफर्ड इंग्लिश मिडीयम स्कूल मध्ये पुर्व प्राथमिक विभागाचा Global Handwashing Day उत्साहात साजरा

 

चोपडा (प्रतिनिधी) : - -

           ऑक्सफर्ड इंग्लिश मिडीयम स्कूल मध्ये पुर्व प्राथमिक विभागाचा Global Handwashing Day उत्साहात साजरा

           चोपडा येथील महात्मा गांधी मंडळ संचालित ऑक्सफर्ड इंग्लिश मिडीयम स्कूल मध्ये  Global Handwashing Day उत्साहात साजरा करण्यात आला.  जागतिक हात धुण्याचा दिवस या जागतिक मोहीमेला साबणाने हात धुणे हा रोग प्रतिबंधक घटक म्हणून जनजागृती करण्यासाठी समर्पित आहे. योग्य हात धुण्याने, श्वसन आणि आतड्यां संबंधीचे आजार 25 - 50 % कमी केले जाऊ शकतात.

         या कार्यक्रमाच्या अनुषंगाने विद्यार्थ्यांसाठी हात धूण्याचे आपल्या दैनंदिन जीवनात काय महत्त्व आहे हे समजावून सांगितले. धुण्याच्या विविध पायऱ्याविषयी प्रात्यक्षिके करून विद्यार्थ्यांना मार्गदर्शन करण्यात आले. समन्वयिका सुचिता पाटील यांनी व दिपाली पाटील यांनी विद्यार्थ्यांना हात धुण्याची क्रिया प्रत्यक्ष अनुभवातून दाखविली.

          शाळेच्या मुख्याध्यापिका ममता कपिल न्याती यांनी मुलांना जागतिक हात धुवा दिन आपण का साजरा करतो व आपल्या दैनंदिन जीवनात त्याचे काय महत्त्व आहे, हे विद्यार्थ्यांना समर्पक पणे सांगितले. शाळेचे उपमुख्याध्यापक अमन पटेल यांनी विद्यार्थ्यांना आपले हात कसे धुवावेत व स्वच्छ कसे असावेत हया बाबत मार्गदर्शन केले. 

         कार्यक्रमाच्या यशस्वीतेसाठी शाळेच्या मुख्याध्यापिका ममता कपिल न्याती यांचे मार्गदर्शन लाभले.  कार्यक्रम यशस्वी होण्यासाठी शिक्षिका माधुरी पाटील, जुईली ठाकरे, सोनाली देवरे, शितल भावसार, कामिनी पाटील, मनिषा चौधरी, रागिनी धनगर यांचे सहकार्य लाभले. शाळेतील कला शिक्षक देवेंद्र बारी यांनी आकर्षक फलक रेखाटन केले. कार्यक्रम यशस्वी होण्यासाठी शाळेतील सर्व शिक्षक व शिक्षकेतर कर्मचारी यांचे सहकार्य लाभले.