सहा. निवडणूक निर्णय अधिकारी गजेंद्र पाटोळे यांच्या अध्यक्षतेखाली सर्व क्षेत्रिय अधिकारी आणि सर्व नोडल अधिकाऱ्यांनी घेतले ईव्हीएम मशीन हाताळणी प्रशिक्षण ....

चोपडा (प्रतिनिधी) : - -

          सहा. निवडणूक निर्णय अधिकारी गजेंद्र पाटोळे यांच्या अध्यक्षतेखाली सर्व क्षेत्रिय अधिकारी आणि सर्व नोडल अधिकाऱ्यांनी घेतले ईव्हीएम मशीन हाताळणी प्रशिक्षण ....

         लोकसभा निवडणूक 2024 च्या पार्श्वभूमीवर लोकसभा सहा. निवडणूक निर्णय अधिकारी तथा उपजिल्हाधिकारी पुनर्वसन मा.गजेंद्र पाटोळे यांच्या अध्यक्षतेखाली 04 रावेर लोकसभा मतदारसंघांतर्गत 10 चोपडा (अ.ज.) मतदारसंघामधील विभाग सेक्टर अधिकारी, नोडल अधिकारी व सहाय्यक नोडल अधिकारी  यांचे निवडणूक प्रशिक्षण, ईव्हीएम मशीन हाताळणी प्रशिक्षण 3एप्रिल रोजी समिती सभागृहातनगरपालिका चोपडा येथे संपन्न झाले .

           सहा. निवडणूक निर्णय अधिकारी तथा उपजिल्हाधिकारी पुनर्वसन मा.गजेंद्र पाटोळे यांनी निवडणूकीबाबत सविस्तर प्रशिक्षण माहिती पीपीटी च्या साहय्याने सेक्टर अधिकारी, नोडल अधिकारी व सहाय्यक नोडल अधिकारी यांना निवडणूक प्रकीयेविषयी सविस्तर सांगितली व उपस्थित प्रश्नांची उत्तरे  दिली. मतदानाची टक्केवारी वाढविण्यासाठी मतदारमध्ये जाणीव वा जागृती आपल्या मतदार केंद्रीत करण्यात यावी. तसेच, निवडणुकीमध्ये निर्बंध कुठे लागू आहे याबाबत सविस्तर माहिती देण्यात आली. आदर्श आचार संहितेचे उल्लंघन झाल्यास दंडात्मक कार्यवाही करण्यात येईल. सेक्टर अधिकारी, नोडल अधिकारी यांच्या जबाबदारींचे अवलोकन यावेळी करण्यात आले. 

            सहाय्यक निवडणूक निर्णय अधिकारी व तहसीलदार भाऊसाहेब थोरात यांनी ईव्हीएम मशीन जोडणी सर्व कर्मचाऱ्यांनी शिकून घ्यावी याबाबत सर्वांना सुचीत  केले. निवडणूक कामासाठी नियुक्त करण्यात आलेल्या कर्मचाऱ्यांचे पहिले प्रशिक्षण 7 एप्रिल रोजी आयोजित करण्यात आले आहे. प्रशिक्षणापूर्वी आणि प्रशिक्षणानंतर अधिक माहितीसाठी सर्वांनी माहिती पुस्तिकेचे वाचन करावे असेही आवाहन उपस्थितांना करण्यात आले.