चोपडा (प्रतिनिधी) : - -
श्री संत सावता माळी युवक संघ व S महाराष्ट्र 7 न्युज च्या पाठपुराव्याला यश ; महाज्योती कडून मिळणाऱ्या टॅब योजनेला फॉर्म भरण्यासाठी मुदत वाढ
या वर्षी इयत्ता 10 वी परीक्षा पास OBC , VJNT , NT C आणि SBC विद्यार्थ्यांसाठी JEE / NEET / MH-CET चे मोफत आॅनलाईन प्रशिक्षण , शिवाय मोफत 8 इंची टॅब , आणि दररोजचा 6 GB इंटरनेट डेटा मोफत ! ! !
महात्मा ज्योतीबा फुले संशोधन व प्रशिक्षण संस्था महाज्योती ही महाराष्ट्र शासनाची स्वायत्त संस्था आहे. या महाज्योतीच्या वतीने , या वर्षी ज्या विद्यार्थ्यांनी वर्ग 11 वी सायन्स मध्ये प्रवेश घेतलेला आहे व जे विद्यार्थी 12 वी नंतर इंजिनियरींग मेडीकल मधे प्रवेश घेण्यासाठी 2026 ची JEE / NEET व MH-CET ची स्पर्धा परीक्षा देवु इच्छितात परंतु त्यासाठी लाखो रूपयाचे महागडे कोचिंग क्लास लावु शकत नाही. अशा OBC , VJNT व SBC विद्यार्थ्यांसाठी , महाज्योतीच्या वतीने मोफत आॅनलाईन प्रशिक्षण देण्यात येणार आहे.
त्यासाठी या विषयातले अत्यंत तज्ञ प्राध्यापक हे विद्यार्थ्यांना आॅनलाईन प्रशिक्षण देईल. आॅनलाईन प्रशिक्षण देत असतांना ग्रामीण व गरीब विद्यार्थ्यां जवळ चांगले किंवा मोबाईल नसतात. ही गरज लक्षात घेवुन , महाज्योती अशा सर्व विद्यार्थ्यांना अगदी मोफत टॅब देत आहे. या शिवाय या टॅब सोबतच दर दिवशी 6 GB इंटरनेट डेटा सुध्दा आॅनलाईन क्लास पहाता यावा , म्हणुन अगदी मोफत देत आहे. ते पुढील शिक्षणासाठीही त्यांना कामी येतील. तसेच या JEE / NEET / MH-CET स्पर्धा परीक्षेची सर्व पुस्तके विद्यार्थ्यांना मोफत घरपोच दिली जातील.
यासाठी विद्यार्थ्यांनी महाज्योतीच्या www.mahajyoti.org.in या वेबसाईटवर जावुन , तिथे JEE या नोटीस बोर्डवरील जागेवर क्लीक करावे. त्यावर पुढे दिलेला फार्म दिसेल , तो आॅनलाईन पध्दतीने भरून त्यात नमुद केलेली कागदपत्रे अपलोड करावीत , तसेच आपला संपुर्ण अर्ज अपलोड केल्यावर त्याची प्रत काढुन जवळ ठेवावी.
ही आपली नोंदणी महाज्योतीकडे करण्यासाठी 10 जुलै 2024 ही अंतिम मुदत देण्यात आली होती. त्यासंदर्भात श्री संत सावता माळी युवक संघांचे प्रदेशाध्यक्ष जितेंद्र महाजन व S महाराष्ट्र 7 न्युज चे संपादक राजेंद्र पाटील यांनी विद्यार्थ्यांना येणाऱ्या अडचणी तसेच शासनाच्या वतीने सुरु झालेली लाडकी बहीण योजनेमुळे कागदपत्रे मिळण्यासाठी होणाऱ्या विलंब लक्षात घेता बरेच विद्यार्थी योजनेपासून वंचित राहू नये म्हणून त्यांनी महाज्योतीचे व्यवस्थापिय संचालक यांना पत्राद्वारे फोन वर विनंती केली होती त्यानुसार महाज्योती कडून सदर फॉर्म भरणे कामी दिनांक 25 जुलै 2024 पर्यंत मुदत वाढ देण्यात आलेली आहे.
तरी विद्यार्थ्यांनी व त्यांच्या पालकांनी महाज्योतीच्या या योजनेचा फायदा घ्यावा असे आव्हान संघटनेचे श्री संत सावता माळी युवक संघांचे प्रदेशाध्यक्ष जितेंद्र महाजन व S महाराष्ट्र 7 न्युज चे संपादक राजेंद्र पाटील यांनी केले आहे.
No comments:
Post a Comment