चोपडा (प्रतिनिधी) : - -
निवडणूक निरीक्षक अरुण कुमार यांनी घेतला चोपडा विधानसभा मतदार संघातील मतदान केंद्रांचा आढावा
चोपडा विधानसभा मतदारसंघातील मतदान केंद्रांवरील सुविधांचा आढावा घेण्यासाठी निवडणूक निरीक्षक अरुण कुमार यांनी मतदारसंघातील चहार्डी, अकुलखेडा येथील विविध मतदान केंद्रांना भेटी दिल्या.
यावेळी मतदान केंद्रांवर असणाऱ्या वीज पुरवठा प्रसाधनगृहे पिण्याच्या पाण्याच्या सोयी अशा विविध मूलभूत सुविधा मतदान केंद्रांवर उपलब्ध असल्याबाबत त्यांनी समाधान व्यक्त केले. यावेळी स्वीप विभागाच्या वतीने आयोजन करण्यात आलेल्या मतदार जनजागृती कार्यक्रमात त्यांनी मतदारांना मतदान करण्यासाठी प्रेरित केले.
भेटी दरम्यान त्यांच्यासोबत चोपडा विधानसभा मतदारसंघाचे सहाय्यक निवडणूक निर्णय अधिकारी भाऊसाहेब थोरात चोपडा पंचायत समितीचे गटविकास अधिकारी महेश पाटील, प्रशिक्षण नोडल अधिकारी नरेंद्र सोनवणे, स्वीप चे नोडल अधिकारी युवराज पाटील, सहाय्यक राकेश पाटील, आधार पानपाटील आदी उपस्थित होते.
No comments:
Post a Comment