महात्मा गांधी माध्यमिक, उच्च माध्यमिक विद्यालयात वार्षिक स्नेहसंमेलन उत्साहात साजरे....

 

चोपडा (प्रतिनिधी) : - -

          महात्मा गांधी माध्यमिक, उच्च माध्यमिक विद्यालयात वार्षिक स्नेहसंमेलन उत्साहात साजरे....

         चोपडा तालुक्यातील लासूर येथील महात्मा गांधी माध्यमिक व उच्च माध्यमिक विद्यालयात वार्षिक स्नेहसंमेलन उत्साहात साजरे करण्यात आले.  माध्यमिक विभागातील 72 तर उच्च माध्यमिक विभागातील 22 विद्यार्थ्यांनी आपले कलागुण  सादर केलेत. विद्यार्थ्यांमधील वेगवेगळ्या कला गुणांनी प्रेक्षकांना चार तास जागेवरच खिळवून ठेवले. 

        याप्रसंगी मोठ्या प्रमाणावर स्त्री प्रेक्षकवर्ग उपस्थित होता. विविध देशभक्तीपर नृत्य गीतांनी व ऐतिहासिक प्रसंग दाखवणाऱ्या गीतांनी प्रेक्षकांना मोहित करून सोडले. विनोदी नाटक गुडघ्याला बाशिंग यामुळे प्रेक्षकांचे हसू अनावर झाले तर वृद्धाश्रम मुक्त भारत अभियानावर आधारित नाटक स्वामी तिन्ही जगाचा आईविना भिकारी यामुळे प्रेक्षकांचे आसू अनावर झालेत. या वार्षिक स्नेहसंमेलनाचे उद्घाटन संस्थेचे अध्यक्ष अनिल हिम्मतराव पाटील यांनी केले यावेळी संस्थेचे उपाध्यक्ष सुरेश फुलचंद सुराना सचिव विक्रम रामदास माळी व सर्व कार्यकारी संचालक मंडळ उपस्थित होते.

         कार्यक्रमाच्या यशस्वीतेसाठी प्राचार्य आर एस पाटील, उपप्राचार्य आर एल बाविस्कर, पर्यवेक्षक एस जी पाटील तसेच सर्व शिक्षक बंधू भगिनी व शिक्षकेतर कर्मचारी यांनी मेहनत घेतली. कार्यक्रमाचे सूत्रसंचालन आत्माराम महाजन व रजिया तडवी मॅडम यांनी केले. अशा उपक्रमाच्या माध्यमातून विद्यार्थ्यांच्या सुप्त कलागुणांना वाव मिळतो तसेच त्यांच्या मानसिक, बौद्धिक व शारीरिक विकास घडून येतो. आजचे विद्यार्थी हे देशाचे उज्वल भविष्य असून शिक्षणासोबत कला , क्रीडा व सांस्कृतिक क्षेत्रात संधी मिळाल्यास ते सुदृढ नागरिक बनतील. यावेळी गावातील विविध संस्थातील पदाधिकारी, पत्रकार मंडळी, पालक वर्ग, व ग्रामस्थ उपस्थित होते.