चोपडा (प्रतिनिधी) : - -
पंकज बालसंस्कार केंद्रात ‘वाटाण्याच्या शेंगा निवडणे’ उपक्रमातून बालकांमध्ये स्वावलंबनाचा विकास
चोपडा येथील पंकज शैक्षणिक व सामाजिक संस्था संचलित पंकज बालसंस्कार केंद्रात विद्यार्थ्यांच्या सर्वांगीण विकासासाठी ‘वाटाण्याच्या शेंगा निवडणे’ हा जीवनोपयोगी उपक्रम उत्साहात राबविण्यात आला. आनंददायी, हसत-खेळत आणि कृतीयुक्त शिक्षण या तत्त्वावर आधारित या उपक्रमामुळे चिमुकल्या विद्यार्थ्यांना दैनंदिन जीवनातील कामांचा प्रत्यक्ष अनुभव मिळाला.
या उपक्रमाच्या माध्यमातून विद्यार्थ्यांमध्ये स्वावलंबनाची भावना रुजविण्याबरोबरच बोटांच्या स्नायूंचा विकास, सूक्ष्म हालचालींचा सराव, निरीक्षण क्षमता व एकाग्रतेत वाढ झाली. तसेच प्रत्यक्ष अनुभवातून शिकल्यामुळे विद्यार्थ्यांची आकलनशक्ती अधिक सक्षम झाली. मुलांनी आनंदाने व उत्स्फूर्तपणे सहभाग नोंदवत हा उपक्रम यशस्वीरीत्या पूर्ण केला.
या उपक्रमाचे मार्गदर्शन मुख्याध्यापक एम. व्ही. पाटील सर व विभागप्रमुख सौ. मीना माळी मॅडम यांनी केले. सर्व शिक्षिका व कर्मचारी वृंदाच्या सहकार्यामुळे उपक्रम यशस्वी ठरला. अशा जीवनोपयोगी उपक्रमांमुळे बालकांचा शारीरिक, बौद्धिक व भावनिक विकास घडून येत असल्याचे मत यावेळी व्यक्त करण्यात आले.
WhatsApp
No comments:
Post a Comment