देविदास धनगर विद्यमान सरपंच, वडती यांची जिल्हा परिषद जळगांव मार्फत चौकशी

 

चोपडा (प्रतिनिधी) : - -

         देविदास धनगर विद्यमान सरपंच, वडती यांची जिल्हा परिषद जळगांव मार्फत चौकशी

       वडती / बोरखेडा गृपग्राम पंचायत सरपंच देविदास धनगर याची महाराष्ट्र ग्रामपंचायत अधिनियम 1958 चे कलम 39 (1) नुसार अपात्रतेचे कारवाई बाबत चौकशी जिल्हा परिषद जळगांव, विभागीय आयुक्त प्रवीण गेडाम यांच्या पत्रानुसार जिल्हापरिषद मुख्यकार्यकारी अधिकारी मीनल करनवाल यांनी दि.20/3/2026 रोजी जिल्हापरिषद जळगांव येथे ठेवली आहे.

        विदयमान सरपंच देविदास हरीषचंद्र धनगर यानी कुठलीही निविदा प्रक्रीया न करता, ग्रामसभा, मासीक सभेत विषय न घेता परस्पर कॉक्रीट गटारीचे काम करणे, पी.व्ही.सी बंदिस्त गटारीचे पाईप काढुन ते पाईप लाखो रुपयात भंगारात विकणे, त्याचे निर्लाखन नकरणे. विक्री केलेल्या पाईपचे पैसे स्वतः ठेवुन अपहार व भ्रष्टाचार करणे, कागदोपत्री बनावट लीलाव प्रक्रीया दाखवणे, भांगरत विकलेल्या पाईपचे पैसे स्वतःकडे ठेवणे, स्मशानभुमी वृक्ष लागवड आर्थीक खर्चास मान्यता न घेणे, महिला ग्राम सभा न घेणे या बाबत 17/12/2024 रोजी विस्तार अधिकारी व गटविकास अधिकारी यानी चौकशी केली होती.

         त्यानुसार महाराष्ट्र ग्रामपंचायत अधिनियम 1958 कलम 39 (१) नुसार सरपंच देविदास धनगर व ग्रामसेवक दिपक भामरे प्रशासकीय कारवाई प्रस्ताव नाशिक विभागीय आयुक्त कार्यालय यांचाकडे जि.प. जळगांव यानी अहवाल पाठवला होता. त्यानुसार जिल्हापरिषद मुख्यकार्यकारी अधिकार जि.प. जळगांव यांनी सरपंच देविदास हरीषचंद्र धनगर यांना चौकशी कामी दि.20/3/2026 रोजी जि.प. जळगांव येथे बोलावले आहे. 

         या वेळी पारदर्शक चौकशी होवुन बनावट दस्तऐवज व प्रोसेडींग बनवून अपहार - भ्रटाचार करणारे ग्रामसेवक दिपक भामरे यांना निलंबीत करण्यात यावे व सरपंच देविदास हरीषचंद्र धनगर यांनी पदाचा गैरवापर करणे आणि गैरवर्तनानुसार महाराष्ट्र ग्रामपंचायत अधिनियम 1958 चे कलम 39 (1) नुसार अपात्र करावे अशी मागणी तक्रारदासर नंदलाल मणीलाल पाटील यांनी केली आहे.