संजय गांधी विशेष सहाय्य योजना लाभसाठी दिव्यांग्यांना UDI प्रमाणपत्र सादर करणे बंधनकारक

 

चोपडा (प्रतिनिधी) : - -

         संजय गांधी विशेष सहाय्य योजना लाभसाठी दिव्यांग्यांना UDI प्रमाणपत्र सादर करणे बंधनकारक 

        चोपडा तालुक्यातील सर्व संबंधित दिव्यांग लाभार्थींना कळविण्यात येते की, संजय गांधी दिव्यांग विशेष सहाय्य योजना अंतर्गत लाभ घेणाऱ्या लाभार्थींनी आपले UDI card व प्रमाणपत्र (Unique Disability ID Certificate) तहसील कार्यालय चोपडा संजय गांधी शाखा येथे सादर करणे आवश्यक आहे.

         या योजनेचा लाभ नियमितपणे सुरू ठेवण्यासाठी शासनाच्या शासन निर्णया नुसार  पात्रतेची पडताळणी करणे आवश्यक असल्यामुळे सर्व दिव्यांग लाभार्थींनी आपले वैध व अद्ययावत UDI प्रमाणपत्र लवकरात लवकर 25 मार्च 2026 पर्यंत आपल्या गावाचे संबंधित महसूलसेवक (कोतवाल) यांच्यामार्फत तहसील कार्यालयात जमा  करावे.असे न केल्यास माहे एप्रिल 2026 मध्ये मिळणारे माहे मार्च 2026 चे अनुदान वितरीत न होण्याची शक्यता नाकारता येत नाही.

          तसेच ह्या बाबीसाठी लाभार्थी यांची जबाबदारी असुन शासनास सहकार्य करावे असे आवाहन करण्यात येते. तरी संबंधित सर्व दिव्यांग लाभार्थींनी आपले दिव्यांग प्रमाणपत्र आवश्यक कागदपत्रांसह तहसील कार्यालयात चोपडा येथे निर्धारित मुदतीत UDI card व प्रमाणपत्र सादर न केल्यास योजनेचा लाभ बंद करण्यात येईल याची कृपया नोंद घ्यावी. चोपडा तालुक्यातील सर्व दिव्यांग लाभार्थींनी गांभीर्याने दखल घेऊन आपले UDI card व प्रमाणपत्र (Unique Disability ID Certificate) तहसील कार्यालय चोपडा संजय गांधी शाखा येथे जमा करावेत असे आवाहन तहसीलदार भाऊसाहेब थोरात व नायबतहसीलदार संजय गांधी योजना दत्तात्रय सैंदाणे यांनी केले आहे.