चोपडा नगर परिषदे तर्फे पथविक्रेत्यांसाठी लोककल्याण मेळावा संपन्न....

 

चोपडा (प्रतिनिधी) : - 

         चोपडा नगर परिषदे तर्फे पथविक्रेत्यांसाठी लोककल्याण मेळावा संपन्न....

        चोपडा नगरपरिषद राष्ट्रीय नागरी उपजिविका अभियान PMSVANidhi योजने अंतर्गत केंद्र शासनाच्या निदेशानुसार शहरातील पथविक्रेत्यांसाठी CLC सेंटर जुनी इमारत चोपडा नगरपरिषद येथे लोककल्याण मेळाव्याचे आयोजन मुख्याधिकारी गणेश शिंदे यांच्या मार्गदर्शनाखाली करण्यात आले होते. 

          पंतप्रधान पथविक्रेता आत्मनिर्भर निधी योजने अंतर्गत लाभार्थ्यांपर्यंत योजनेचा अधिक लाभ पोहचविण, वित्तीय समावेशनास चालना देणे, पथविक्रेत्यांना कर्ज उपलब्ध करुन देणे, लाभार्थ्यांचे डिजीटल सक्षमीकरण करणे, UPI नोंदणी करणे, QR कोड उपलब्ध करुन देणे, क्रेडीट कार्ड वापरा बददल माहिती देणे या संबंधी भारतीय स्टेट बँक यांचे विशाल तांगडे, आय डी बी बाय बँक शाखा प्रबंधक प्रमोद काकडे, तसेच धरणगांव अर्बन बँक शाखा व्यवस्थापक अमित वानखेडे यांनी मार्गदर्शन केले.

          या प्रसंगी कार्यक्रमाचे उदघाटन चोपडा नगरपरिषदेच्या नगराध्यक्षा नम्रताताई सचिन पाटील यांनी केले. या वेळेस सामाजीक कार्यकरता सचिन पाटील, उपमुख्याधिकारी संजय मिसर, जतीनकुमार - स्टेट बँक, परिक्षीत - सेंट्रल बँक, धीरज मुलचंदानी - बँक ऑफ महाराष्ट्र, दुर्जन तायडे - बँक ऑफ बडोदा, अमित वानखेडे , नंदकिशोर जाधव - धरणगांव अर्बन बँक शाखा चोपडा हे उपस्थित होते.

         सदर कार्यक्रमाचे सुत्रसंचालन शहर अभियान व्यवस्थापक गणेश पाठक यांनी केले. कार्यक्रमाच्या यशस्वीसाठी समुह संघटक अरुण राजपुत, राजेंद्र गायकवाड CLC सहा. व्यवस्थापक संदिपा देशमुख, घनशाम वैदय, अरुण शिंपी तसेच CRP पुजा धीवर, सुवर्णा सोनार, मीना माळी, मालती शिंदे, सोनाली पाटील यांनी परिश्रम घेतले.