डोंबिवली येथील महिला डॉक्टर व कर्मचाऱ्यांवरील भ्याड हल्याच्या निषेधार्थ चोपडा आय एम ए चे आंदोलन व तहसीलदार यांना निवेदन....

 

चोपडा (प्रतिनिधी) : - -

         डोंबिवली येथील महिला डॉक्टर व कर्मचाऱ्यांवरील भ्याड हल्याच्या निषेधार्थ चोपडा आय एम ए चे आंदोलन व तहसीलदार यांना निवेदन....

        डोंबिवली येथील शास्त्रीनगर महानगरपालिका रुग्णालयातील महिला डॉक्टर व परिचारिका कर्मचाऱ्यांवर स्थानिक लोकप्रतिनिधी कडून झालेला अमानुष हल्ला अत्यंत निषेधार्ह, धक्कादायक व संतापजनक आहे. रुग्णसेवेसाठी रात्रंदिवस अहोरात्र कार्य करणाऱ्या आरोग्यसेवा व्यावसायिकांवर झालेला हा अमानुष हल्ला हा केवळ वैद्यकीय व्यवसायाच्या प्रतिष्ठेवरील आघात नसून आपल्या लोकशाही मूल्यांनाही काळीमा फासणारा आहे. आय.एम.ए. चोपडा, जि. जळगावने याघटनेचा तीव्र शब्दांत निषेध केला असून, या घटनेस जबाबदार असलेल्या सर्व संबंधितांवर त्वरित, कठोर व आदर्शवत कायदेशीर कारवाई करण्यात यावी, अशी ठाम मागणी केली आहे.

        डॉक्टर व आरोग्यसेवा कर्मचाऱ्यांवरील कोणत्याही प्रकारची हिंसा कोणत्याही परिस्थितीत सहन केली जाणार नाही. ​या निषेधार्थ आय.एम.ए. चोपडा शाखेतर्फे शांततामय निषेध आंदोलन आयोजित करण्यात आले या आंदोलनादरम्यान रुग्णसेवा व अत्यावश्यक वैद्यकीय सेवा कोणत्याही प्रकारे बाधित होणार नाही, याची पूर्ण दक्षता आली.

          याप्रसंगी चोपडा आय एम ए अध्यक्ष डॉ जगदीश सर्वैय्या, सचिव डॉ राहुल पवार, डॉ महेंद्र जैस्वाल, डॉ पराग पाटील, डॉ लोकेंद्र महाजन, डॉ विनीत हरताळकर, डॉ अमित हरताळकर, डॉ दुर्गेश जैस्वाल, डॉ सचिन काटे, डॉ स्मिता पराग पाटील, डॉ नीता जैस्वाल, डॉ प्रतिभा पाटील आदी उपस्थित होते.