चोपडा महाविद्यालयात भारतीय ग्रंथालय शास्त्राचे जनक डॉ. एस. आर. रंगनाथन यांची जयंती साजरी

 

चोपडा (प्रतिनिधी) : - -

          चोपडा महाविद्यालयात भारतीय ग्रंथालय शास्त्राचे जनक डॉ. एस. आर. रंगनाथन यांची जयंती साजरी

           चोपडा येथील महात्मा गांधी शिक्षण मंडळाचे दादासाहेब डॉक्टर सुरेश जी.पाटील महाविद्यालयात आज दिनांक 12 ऑगस्ट 2026 रोजी भारतीय ग्रंथालय शास्त्राचे जनक डॉ. एस. आर. रंगनाथन यांची जयंती (राष्ट्रीय ग्रंथपाल दिन) अत्यंत उत्साहात आणि मान्यवरांच्या उपस्थितीत साजरी करण्यात आली.मान्यवरांची उपस्थिती होती.

       कार्यक्रमाच्या अध्यक्षस्थानी महाविद्यालयाच्या प्राचार्या डॉ. संध्या एम. सोनवणे या होत्या. व्यासपीठावर उपप्राचार्य डॉ. के. एन. सोनवणे, उपप्राचार्य तथा ग्रंथालय समितीचे प्रमुख  ए. बी. सूर्यवंशी,  समन्वयक डॉ. शैलेशकुमार वाघ आणि कॉलेजचे रजिस्ट्रार श्री. डी. एम. पाटील हे प्रामुख्याने उपस्थित होते. प्राचार्या डॉ. संध्या सोनवणे यांनी आपल्या मनोगतपर भाषणात डॉ. रंगनाथन यांच्या ग्रंथालय क्षेत्रातील अतुलनीय योगदानाचा गौरव केला. तसेच विद्यार्थ्यांनी ग्रंथालयाचा व पुस्तकांचा जास्तीत जास्त वापर करून आपले ज्ञान समृद्ध करावे, असे आवाहन केले. कार्यक्रमाची सुरुवात मान्यवरांच्या हस्ते डॉ. एस. आर. रंगनाथन यांच्या प्रतिमेचे पूजन व माल्यार्पण करून झाली.  

           कार्यक्रमाचे सूत्रसंचालन आणि प्रास्ताविक डॉ. व्ही. आर. कांबळे यांनी केले. त्यांनी ग्रंथालय शास्त्राचे महत्त्व आणि आजच्या डिजिटल युगातही पुस्तकांचे असणारे स्थान यावर प्रकाश टाकला. विद्यार्थ्यांचा मोठा प्रतिसाद दिला. कार्यक्रमाला महाविद्यालयातील ग्रंथालय विभागाचे सौ. अश्विनी जाधव, श्री. शशिकांत चौधरी वा सर्व कर्मचारी, विविध शाखेचे प्राध्यापक आणि विद्यार्थी-विद्यार्थिनी मोठ्या संख्येने उपस्थित होते. कार्यक्रमाचा समारोप आणि उपस्थितांचे आभार प्रदर्शन रजिस्ट्रार श्री. डी. एम. पाटील यांनी केले.