सी. बी. निकुंभ विद्यालयाचे 12 विद्यार्थी जिल्हास्तरीय गुणवत्ता यादीत ; जान्हवी रामकृष्ण कोळी तालुक्यात प्रथम

 

चोपडा (प्रतिनिधी) : - -

         सी. बी. निकुंभ विद्यालयाचे 12 विद्यार्थी जिल्हास्तरीय गुणवत्ता यादीत ; जान्हवी रामकृष्ण कोळी तालुक्यात प्रथम

          चोपडा तालुक्यातील घोडगांव येथील नूतन शिक्षण प्रसारक मंडळ संचलित सी. बी. निकुंभ माध्यमिक व उच्च माध्यमिक विदयालयाचे 12 विदयार्थी  जिल्हास्तरीय गुणवत्ता यादीत चमकले आहेत. महाराष्ट्र राज्य परीक्षा परिषद पुणे यांच्यामार्फत एप्रिल 2026 मध्ये घेण्यात आलेल्या 7 वी उच्च प्राथमिक शिष्यवृत्ती  परीक्षेत 17 विद्यार्थी उत्तीर्ण झाले असून पैकी जिल्हास्तरीय गुणवत्ता यादीत येण्याचे 12 विद्यार्थ्यांनी यश संपादन केले आहे. जिल्हास्तरीय गुणवत्ता यादीत स्थान मिळवणाऱ्या विद्यार्थ्यांमध्ये जान्हवी कोळी, चेतन विनोद कोळी, हर्षदीप योगेश पाटील, दुर्गेश नानू शिरसाठ, राकेश जितेंद्र गोसावी, चेतन जगदिश कोळी, अल्मास तंजीम खाटीक, गोविंद नरहर कोळी, जान्हवी मुकेश पाटील, भाविका प्रविण साळवे यांच्यासोबत ग्रामीण भूमिहीन शेतमजूर पाल्य गटातून जिल्हास्तरीय गुणवत्ता यादीत तिसरा कार्तिक राजेंद्र पावरा व चौथा विवेक एकनाथ कोळी  आलेला आहे. 

         या सर्व यशस्वी विद्यार्थ्यांचे नूतन शिक्षण प्रसारक मंडळाचे चेअरमन चंद्रहासभाई गुजराथी, अध्यक्ष द्रविलाल पाटील, सचिव जवरीलाल जैन, सहसचिव भानुदास पाटील व संचालक मंडळ, विद्यालयाचे मुख्यध्यापक आर. एम. चौधरी यांच्यासह सर्व शिक्षक व शिक्षकेतर कर्मचारी यांनी अभिनंदन केले आहे. तसेच विद्यार्थ्यांचे पालक व परिसरातील नागरिकांनी यशस्वी विद्यार्थ्यांचे कौतुक केले व पुढील वाटचालीसाठी शुभेच्छा दिल्या आहेत.