स्पर्धा परीक्षेतील यश्यासाठी अभ्यासाचे व वेळेचे नियोजन महत्वाचे ; प्रतिपादन नायब तहसीलदार योगेश पाटील

 

चोपडा (प्रतिनिधी) : - -

          स्पर्धा परीक्षेतील यश्यासाठी अभ्यासाचे व वेळेचे नियोजन महत्वाचे ; प्रतिपादन नायब तहसीलदार योगेश पाटील 

          चोपडा येथील पंकज महाविद्यालयात विद्यार्थ्यांसाठी स्पर्धा परीक्षांच्या मार्गदर्शनसाठी व्याख्याना चा कार्यक्रम प्राचार्य डॉ. महादेव वाघमोडे यांच्या मार्गदर्शनाखाली नुकताच पार पडला. या कार्यक्रमाच्या अध्यक्षस्थानी प्रा. डॉ. दिलीप गि-हे होते. यावेळी नायब तहसीलदार योगेश पाटील प्रमुख मार्गदर्शक होते.

        अध्यक्षीय मनोगतात प्रा. डॉ. दिलीप गि-हे यांनी विद्यार्थ्यांनी स्पर्धा परीक्षांच्या तयारीसाठी महाविद्यालया कडून उपलब्ध करून दिलेल्या विविध उपक्रमांचा लाभ घ्यावा तसेच विद्यार्थ्यांनी आपले ध्येय निश्चित करून प्रामाणिकपणे व सातत्याने प्रयत्न केल्यास निश्चितच यश संपादन करता येते असा विश्वास त्यांनी व्यक्त केला. प्रास्ताविकात प्रा. डॉ. दीपक देवरे यांनी महाविद्यालयातील विद्यार्थ्यांना स्पर्धा परीक्षांच्या माध्यमातून विविध प्रशासकीय व शासकीय सेवांमध्ये करिअरच्या उपलब्ध असलेल्या संधींची माहिती देऊन विद्यार्थ्यांच्या सर्वांगिण विकासासाठी अशा व्याख्यानांचे महत्त्व पटवून दिले.

          प्रमुख मार्गदर्शक म्हणून बोलतांना नायब तहसीलदार योगेश पाटील म्हणाले की स्पर्धा परीक्षांचे स्वरूप, परीक्षेची तयारी करण्याची पद्धत, अभ्यासक्रमाचे नियोजन, चालू घडामोडींचा अभ्यास, संदर्भ साहित्याची निवड, प्रश्नपत्रिकेचा सराव, वेळेचे नियोजन तसेच परीक्षेच्या काळात येणाऱ्या अडचणींवर मात करण्याच्या विविध उपाय योजनांबाबत मार्गदर्शन करतांना विद्यार्थ्यांनी स्पर्धा परीक्षांकडे सकारात्मक दृष्टीने पाहून नियमित अभ्यासाची सवय लावावी आणि उपलब्ध संधींचा योग्य उपयोग करून आपल्या ध्येयाच्या दिशेने वाटचाल करावी, असे प्रतिपादन चोपडा तहसील कार्यालयातील नायब तहसीलदार योगेश पाटील यांनी केले.

           या कार्यक्रमाला प्राचार्य डॉ. महादेव वाघमोडे, प्रा.डॉ. किशोर पाठक, प्रा. डॉ. अरुण मोरे, प्रा. नंदलाल वाघ प्रा. दिवाकर बाविस्कर, प्रा. जितेंद्र महाजन, प्रा. योगराज रायसिंग, प्रा. डॉ. अजय पाटील, प्रा. डॉ. शामसिंग वळवी, प्रा. सुनील सुरवाडे प्रा.डॉ. नंदिनी वाघ, प्रा. माया महाजन यांच्यासह प्राध्यापक, प्राद्यापिका व शिक्षकेतर कर्मचारी व विद्यार्थी मोठ्या संख्येने उपस्थित होते. कार्यक्रमाच्या यशस्वीतेसाठी महाविद्यालयातील प्राध्यापक व कर्मचाऱ्यांनी सहकार्य केले.