कलाकृती : आर्टिस्ट अनिलराज पाटील,
चोपडा, जि. जळगाव
चोपडा (प्रतिनिधी) : - -
भीमाशंकरच्या कुशीत घाव! 'विकासा'साठी 32 हजार झाडांचा बळी....
चोपडा येथील चित्रकार अनिलराज पाटील यांनी आपल्या कुंचल्यातून हाच आक्रोश मांडला आहे. त्यांच्या चित्रात एक शेकरू (भारतीय रानखार) तोडलेल्या झाडाच्या रक्ताळलेल्या बुंध्याकडे हताशपणे पाहतोय, बाजूला फुटलेली अंडी पडली आहेत आणि पानांपासून बनलेला एकच शब्द आहे - "विकास" हा केवळ चित्राचा विषय नाही, तर आजचं सत्य आहे.
पुणे-रायगडच्या सीमेवर असलेल्या भीमाशंकरच्या शेजारच्या कर्जत - सैडोंगर जंगलात 32,490 वृक्ष तोडण्याची परवानगी देण्यात आली आहे. इथे टॉरंट पॉवर कंपनीचा 3000 मेगावॅट, 13,505 कोटी रुपयांचा पंप स्टोरेज जलविद्युत प्रकल्प येत आहे. सरकारचे म्हणणे आहे की हा प्रकल्प अभयारण्या पासून 16 किमी बाहेर आहे आणि कोणतीही बेकायदेशीर तोड झालेली नाही. पण पर्यावरण प्रेमी विचारत आहेत - पश्चिम घाट हा UNESCO वारसा आहे, इथे महाराष्ट्राचा राज्यप्राणी शेकरू राहतो, त्याचे घर पानांवर आहे, जमिनीवर नाही. झाडे तोडली तर तो जाणार कुठे ?
दि. 3 नोव्हेंबरला भूमिपूजन होणार असल्याने घाईघाईने झाडे हटवण्याचे पत्र समोर आल्याने हा वाद पेटला आहे. विरोधानंतर सध्या वृक्षतोड तात्पुरती थांबवली आहे. महाराष्ट्र आधीच दुष्काळाने होरपळतोय. झाडे गेली तर पाऊस कुठून येणार? या चित्रातील खारुताई आज प्रत्येक वन्यजीवाचा प्रश्न विचारतेय - हा कोणता विकास
WhatsApp
No comments:
Post a Comment