जळगाव जिल्ह्यातील निम्न तापी प्रकल्पाचे अभियंता श्री. विलास सुकलाल पाटील यांना शासनाचा "उत्कृष्ट अभियंता"पुरस्कार जाहीर...

 

जळगाव (प्रतिनिधी) :--

       जळगांव जिल्हातील निम्न तापी प्रकल्पाचे उप अभियंता श्री. विलास सुकलाल पाटील यांना शासनाचा "उत्कृष्ट अभियंता"’ पुरस्कार जाहीर...

    महाराष्ट्र राज्याच्या जलसंपदा विभागाच्या उत्कृष्ठ कामगिरी करणा-या अभियंत्यांना  ‘“अभियांत्रिकी सेवेतील उत्कृष्ट अभियंता"’ पुरस्कार दिले जातात.  राज्यस्तरीय  उत्कृष्ठ अभियंता पुरस्कार’ सोहळा दिनांक 11/02/2022 रोजी पुणे येथे संपन्न झाला. त्यात जळगांव जिल्हातील निम्न तापी प्रकल्पाचे उप अभियंता श्री. विलास सुकलाल पाटील यांना महाराष्ट्र राज्याचे जलसंपदा मंत्री जयंत पाटील यांच्या हस्ते सन्मानचिन्ह देवून उत्कृष्ठ अभियंता पुरस्कार’ ने गोरवणेत आले. विलास पाटील यांनी सपत्नीक पुरस्कार स्विकारला. सदर  “अभियांत्रिकी सेवेतील उत्कृष्ट अभियंता" पुरस्कार वितरण सोहळ्यास  श्री. जयंत पाटील मंत्री, जलसंपदा व लाभक्षेत्र विकास, श्री. विजयकुमार गौतम विशेष कार्य अधिकारी,श्री. विलास राजपूत,  प्रधान सचिव  (लाक्षेवि) व सचिव (प्रकल्प समन्वय), जलसंपदा प्रकल्प व विकास, जलसंपदा विभाग कार्यकारी संचालक प्रमोद मांदाडे यांची प्रमुख उपस्थितीती होती.  पुरस्कार सोहळ्याचे शासनामार्फ़त आयोजन ह, वि.गुणाले, मुख्य अभियंता, जल संपदा , पुणे यांनी केलेले होते.

    श्री. विलास पाटील यांनी सन 1984 मध्ये कनिष्ठ अभियंता या पदावर महाराष्ट्र अभियांत्रीकी संशोधन संस्था, (मेरी), नाशिक अंतर्गत महामार्ग संशोधन विभाग क्रं. 2 येथे प्रथम सेवेत सुरुवात केली. त्यांनी तेथे केंद्र शासनाच्या आर.-1 सर्वे ॲड इव्हॅअल्युशन ऑफ लोकली ॲव्हेलेबल मटेरीयल या योजनेत सहभाग  घेतला. हतनुर कालव्याची विविध कामे त्यांनी चांगल्या रितीने केलीत.  त्यात पडीत जागेत वृक्षारोपनाचा समावेश आहे. गुळ प्रकल्पाच्या वनजमीनीचा प्रस्ताव , प्रकल्पाच्या लोकसहभागातून पुनवर्सन ही अभिनव संकल्पनेत त्यांचा  मोलाचा सहभाग होता. प्रकल्पाचा केद्रीय जलआयोग, नियोजन आयोग मान्यता प्रस्ताव व वेगवर्धीत सिंचन लाभ कार्यक्रम (ए.आय.बी.पी.)केंद्रीय अर्थसहाय्य प्रस्ताव तयार करुन त्यांच्या पाठपुराव्यात तसेच कॉन्कर्न्ट ईव्हॅल्युएशन अहवाल तसेच ए.आय. बी.पी. पूर्णत्व अहवाल यात त्यांचा सहभाग होता.

    धुळे जिल्हात सेवेत असतांना अभिनव पध्दतीने सिंचन थकबाकी वसुली मोहीम राबवून विक्रमी वसूली, सिंचन क्षेत्रात वाढ,  जलजागृती सप्ताहात तालुकास्तरीय जलजागृती कार्यक्रमाचे आयोजन तसेच  विद्यार्थ्यांच्या भव्य  जलजागृती रॅलीचे आयोजन.अशी सिंचन व्यवस्थापनात त्यांनी उत्कृष्ठ कामगीरी केलेली आहे.पुरस्कार प्राप्त झाल्याबद्दल पालक मंत्री ना. गुलाबराव पाटील, विधानसभेचे माजी अध्यक्ष अरुणभाई गुजराथी  आमदार अनिल पाटील आमदार चिमणराव पाटील माजी शिक्षण मंत्रीआमदार अमरिशभाई पटेल , आमदार काशीराम पावरा माजी मंत्री विजय नवल पाटील आमदार लताताई सोनवणे, तापी महामंडळाचे कार्यकारी संचालक प्रमोद मांदाडे मुख्य अभियंता जयंत बोरकर अधीक्षक अभियंता यशवंतराव भदाणे कार्यकारी अभियंता  मुकुंद  चौधरी रोटरी एंकलेव चेअरमन एम. डबल्यू. पाटील यांच्यासह अनेक लोकप्रतिनिधी शेतकरी सहकारी यांनी त्यांचे अभिनंदन केले आहे. विलास पाटील कार्य जवळून पाहणा-या शिरपूर तालुक्यातील निलाई प्रतिष्ठान चे अध्यक्ष जेष्ठ सामाजिक कार्यकर्ते  तात्यासो श्री. सुरेश पाटील (भोरटेककर) यांनी आनंद व्यक्त करताना समाजाभिमुख कार्य करणाऱ्या हाडाच्या  अभियंता चा शासनाने सन्मान केला आहे अशी प्रतिक्रिया व्यक्त केली.