राष्ट्रीय पल्स पोलिओ लसीकरण मोहीम- फेब्रु.२०२२
चोपडा तालुका अंतर्गत पल्स पोलिओ लसीकरण मोहिम ही दिनांक २७ फेब्रु. २०२२ रोजी शहरी व ग्रामीण भागात राबविण्यात येणार असून, तालुक्यात एकूण ३१०८४ लाभार्थी असून, त्यापैकी ग्रामीण भागात २२९५९ तर शहरी भागात ८१२५ लाभार्थी आहेत. सदर पोलिओ लसीकरणा करिता तालुक्यात एकूण १९३ बूथ कार्यान्वित असून, पैकी ग्रामीण भागात १६१ तर, शहरी भागात ३२ बूथ कार्यान्वित असणार आहेत. सदर मोहीमेच्या यशस्वितेसाठी तालुक्यातील एकूण 535 कर्मचारी, पर्यवेक्षक, अधिकारी यांची नेमणूक करण्यात आली असून, ग्रामीण भागात ४४४ तर शहरी भागात ९१ कर्मचारी, पर्यवेक्षक, अधिकारी काम पाहणार आहेत, त्यासाठी तालुका आरोग्य विभागाने सर्व तयारी केलेली आहे.
सदर मोहिमेच्या यशस्वीतेसाठी आरोग्य विभागाने संपूर्ण तालुक्यात व्यापक जनजागृती केली असून, पोस्टर्स, बॅनर्स, भित्तीपत्रिका, तसेच सर्व स्तरावर प्रशिक्षण देखील घेण्यात आलेले असून, मोहिमेसाठी तालुका आरोग्य विभागाची तयारी पूर्ण झाली आहे.अशी माहीती तालुका वैद्यकीय अधिकारी डॉ. प्रदीप लासुरकर यांनी दिली.
No comments:
Post a Comment