बारा किलो गांजा सह तीन आरोपींना जेरबंद करण्यात चोपडा शहर पोलिसांना यश ...
चोपडा शहर व तालुक्यात गुटखा, गांजा यासह गावठी कट्टे यांच्यावर सतत धडक कारवाई होतच असते. दि.२३ फेब्रुवारी रोजी सायंकाळी सुमारे आठ वाजेच्या सुमारास चोपडा बस स्थानकात एका टपरी जवळ बारा किलो गांजा सह तीन आरोपींना जेरबंद करण्यात चोपडा शहर पोलिसांना यश आले आहे.सविस्तर वृत्त असे की, पोलिसांना मिळालेल्या गुप्त माहितीनुसार चोपडा बसस्थानकातील एका टपरीजवळ तीन इसम अवैधरित्या गांजा बाळगून आहेत .सदर इसमांची खात्री केली असता त्यांच्याजवळ तपकिरी रंगाच्या बॅगेत बारा किलो आठशे ग्रॅम वजनाचा सुमारे ६४००० रुपये किमतीच्या गांजा आढळून आला तसेच ६००० रुपये किमतीचे तीन मोबाईल आढळून आले व तपकिरी रंगाची बॅग आढळून आली असा एकूण ७०२०० रुपयांच्या मुद्देमाल हस्तगत करण्यात चोपडा शहर पोलिसांना यश आले आहे.
पो.हे.कॉ.विलेश सोनवणे यांच्या फिर्यादीनुसार चोपडा शहर पोलीस ठाण्यात भाग ६ सीसीटीएनएस ६२/ २०२२ एन डी पी एस १९८५ चे कलम ८, २० ,२२ प्रमाणे गुन्हा दाखल करण्यात आला आहे.पुढील तपास चोपडा शहर पोलीस ठाण्याचे प्र.पोलीस निरीक्षक देविदास कुनगर यांच्या मार्गदर्शनाखाली सहायक पोलिस निरीक्षक संतोष चव्हाण हे करीत आहेत....
No comments:
Post a Comment