अश्विनी गुजराथी यांची लक्ष्मी पतसंस्थेच्या चेअरपर्सनपदी निवड
चोपडा येथील लक्ष्मी महिला नागरी सहकारी पतसंस्था मर्यादित या महिलांनी चालवलेल्या पतसंस्थेच्या चेअरपर्सनपदी अश्विनी प्रसन्नलाल गुजराथी यांची बिनविरोध निवड करण्यात आली. त्या इनरव्हिल डिस्ट्रिक ३०३ च्या विद्यमान डिस्ट्रिक्ट चेअरमन, चोपडा नगर परिषदेच्या विद्यमान नगरसेविका व भगिनी मंडळाच्या सहसचिव आहेत.
लक्ष्मी महिला नागरी सहकारी पतसंस्था मर्यादित, चोपडा चे संचालक मंडळ पुढीलप्रमाणे : चेअरपर्सन - अश्विनी प्रसन्न गुजराथी, व्हा. चेअरपर्सन - जागृती अशोक जैन, संचालक - सीमा मनोजकुमार अग्रवाल, रजनी राजेश सराफ, वैशाली नितीन गुजराथी, वैशाली अनिल अग्रवाल, वैशाली ईश्वर सौंदाणकर, ज्योती राजेंद्र गुजराथी, सुरेखा सुभाष देसाई, सरला जगन्नाथ माळी, सरला नरेंद्र शिरसाट.
नवीन संचालक मंडळाचे महाराष्ट्र विधानसभेचे माजी अध्यक्ष अरुणभाई गुजराथी, जिल्हा बँकेचे संचालक घनश्याम अग्रवाल, पीपल्स बॅंकेचे चेअरमन चंद्रहास गुजराथी, उद्योजक आशिष गुजराथी, लक्ष्मी पतपेढीच्या माजी चेअरपर्सन उर्मिलाबेन गुजराथी, कुमुदिनीबेन गुजराथी यांच्यासह अनेकांनी अभिनंदन केले. याप्रसंगी प्रसन्न गुजराथी, प्रा. डॉ. आशिष गुजराथी, व्यवस्थापक शाम गुजराथी यांच्यासह अनेक मान्यवर उपस्थित होते.
No comments:
Post a Comment