शहीदांचे कार्य तरूणांसाठी प्रेरणादायी -- प्रा. शामसिग वळवी ...
पंकज कला व विज्ञान महाविद्यालय, चोपडा राष्ट्रीय सेवा योजना विभाग व्दारा शहिद दिन निमित्त क्रांतीकारकाना अभिवादन करण्यात आले.
कार्यक्रमाला अध्यक्ष म्हणून प्राचार्य डॉ. महादेव वाघमोडे तर मार्गदर्शक म्हणून प्रा. शामसिग वळवी हे लाभले होते. कार्यक्रमाची सुरुवात क्रांतिकारकांच्या प्रतिमेला माल्यार्पण करून अभिवादन करण्यात आले.
कार्यक्रमाचे प्रास्ताविक राष्ट्रीय सेवा योजना कार्यक्रम अधिकारी प्रा. दिलीप गिर्हे यांनी केले. भारतीय स्वातंत्र्य चळवळीत तरुणांचे प्रेरणास्थान असणारे क्रांतिकारक यांच्या कार्याची माहिती महाविद्यालयीन तरुणांना झाली पाहिजे हा उद्देश डोळ्यासमोर ठेवून अशा कार्यक्रमांचे आयोजन महाविद्यालयीन स्तरावर करणे आवश्यक आहे असे स्पष्टीकरण केले.
प्रा. शामसिग वळवी यांनी भारतीय स्वतंत्र चळवळीत क्रांतिकारकांचे योगदान या विषयावर मार्गदर्शन केले. पंजाब बंगाल व महाराष्ट्र हे तीन प्रदेश भारतीय स्वातंत्र्य चळवळीचे व क्रांतिकारकांचे महत्त्वाचे प्रांत होते. या तीनही ठिकाणी क्रांतिकारकांनी ब्रिटिश सरकारला सळो की पळो करून सोडले. मवाळवाद, जहालवाद व गांधी तत्वज्ञान यापलीकडेही भारतीय स्वातंत्र्य चळवळीत एक महत्त्वाची विचारधारा कार्य करत होती, ती म्हणजे क्रांतिकारक, क्रांतिकारकांनी तरुणांना प्रेरित केले व तरुण मंडळींना भारतीय स्वतंत्र चळवळीच्या प्रवाहामध्ये आणण्याचे काम क्रांतीकारकांनी केले.
अध्यक्षीय मनोगतात प्राचार्य डॉ महादेव वाघमोडे यांनी काकोरी कटावर प्रकाश टाकला. क्रांतिकारकांच्या कार्यामुळे ब्रिटिशांनी भारतीयांना स्वातंत्र्य बहाल केले. विद्यार्थ्यांनी या थोर क्रांतिकारकाकडून प्रेरणा घेऊन देशसेवेचे कार्य करावे असे आवाहन केले.
कार्यक्रमाचे सूत्रसंचालन प्रा दिलीप गिर्हे तर आभार प्रा. अजय पाटील यांनी केले. कार्यक्रमाला महाविद्यालयातील सर्व प्राध्यापक प्रशासकीय कर्मचारी व रासेयो स्वयंसेवक मोठ्या संख्येने उपस्थित होते.
कार्यक्रम यशस्वीतेसाठी प्रा. दिलीप गिर्हे रासेयो कार्यक्रम अधिकारी, डॉ नंदिनी वाघ महिला सहायक कार्यक्रम अधिकारी, श्री किशोर शिंगाणे व श्री विवेक भोळे यांनी परिश्रम घेतले.
No comments:
Post a Comment