समाजकार्य महाविद्यालय, चोपड्याचे ग्रामीण शिबीर संपन्न ....
भगिनी मंडळ चोपडा संचलित समाजकार्य महाविद्यालय,चोपडा येथील प्रथम वर्ष समाजकार्य स्नातक व प्रथम वर्ष समाजकार्य पारंगत च्या विद्यार्थ्यांचे ग्रामीण शिबीर अनुदानित आश्रमशाळा, सत्रासेन ता.चोपडा येथे संपन्न झाले. शिबिराचे आयोजन दि,.07एप्रिल ते 13एप्रिल 2022 या कालावधीत करण्यात आले होते.
शिबिरादरम्यान विद्यार्थ्यांनी मशाल फेरीचे आयोजन केले होते. गाव इतिहास ग्रामस्थांच्या मदतीने समजवून घेतला. ग्रामस्थांना सोबत घेऊन शिवारफेरी केली. विद्यार्थ्यांनी ग्रामस्थांच्या मदतीने ग्राम सामाजिक नकाशा, हंगामी नकाशा, चपाती नकाशा इ.तयार केले. ग्रामस्थांच्या मदतीने ग्रामीण सहभागीय मूल्यावलोकन केले.
या ग्रामीण शिबिरादरम्यान राष्ट्रपिता महात्मा जोतीराव फुले यांच्या जयंती निमित्त आयोजित कार्यक्रमात अनेक शिबिरार्थीनी आणि आश्रमशाळेत शिकणाऱ्या विद्यार्थ्यांनी आपले मनोगत व्यक्त केले. प्रा.डॉ.उत्तम सोनकांबळे यांनी सहभागी विद्यार्थ्यांना प्रोत्साहनपर बक्षीस दिले.
ग्रामीण शिबिरादरम्यान विद्यापीठाच्या निर्देशानुसार सामाजिक समता सप्ताह निमित्ताने कार्यक्रमांचे आयोजन करण्यात आले होते. या अंतर्गत गावातील प्रमूख चौकात संविधानाच्या उद्देशिकेचे वाचन करण्यात आले. गावातील लोकांना संविधानाचे महत्व आणि उपयोगिता पटवून देण्यात आली.गीत गायन आणि पथनाट्य सादरीकरण करण्यात आले होते.
शिबीरसमारोपीय कार्यक्रमात प्रा.डॉ.राहुल निकम आणि प्रा.डॉ.संबोधी देशपांडे यांनी शिबिराचा अहवाल सादर केला. शिबिरार्थीनी ग्रामस्थिती दर्शविणारे विविध नकाशांचे सादरीकरण केले.महाविद्यालयाचे प्राचार्य डॉ.ईश्वर सौंदाणकर, प्रा.डॉ. विष्णू गुंजाळ यांनी विद्यार्थ्यांशी संवाद साधला आणि राबविण्यात आलेल्या विविध उपक्रमाबद्दल समाधान व्यक्त केले.
शिबीर यशस्वीतेसाठी श्री.ज्ञानेश्वर भादले, सौ.वंदना भादले आणि आश्रमशाळेतील सर्व कर्मचारीवृंद यांचे मोलाचे सहकार्य लाभले. शिबिराच्या यशस्वीतेसाठी शिबीर संयोजक म्हणून प्रा.डॉ.राहुल निकम, प्रा. डॉ.उत्तम सोनकांबळे, प्रा.डॉ. संबोधी देशपांडे यांनी कार्य केले.
प्रा.डॉ.विष्णू गुंजाळ, प्रा.डॉ.अनंत देशमुख, प्राचार्य डॉ.ईश्वर सौंदाणकर, उपप्राचार्य डॉ.आशिष गुजराथी आणि सर्व महाविद्यालयीन कर्मचाऱ्यांचे सहकार्य लाभले.
No comments:
Post a Comment