राष्ट्रपिता महात्मा जोतीराव फुले जयंती उत्साहात संपन्न .....
भगिनी मंडळ चोपडा संचलित समाजकार्य महाविद्यालय,चोपडा यांचे सात दिवसीय लोकसहभागीय ग्रामीण शिबीर अनुदानित आश्रमशाळा, सत्रासेन ता. चोपडा येथे आयोजित करण्यात आले होते. या वेळी समाजकार्य महाविद्यालय,चोपडा आणि अनुदानित आश्रम शाळा, सत्रासेन यांच्या संयुक्त विद्यमाने राष्ट्रपिता महात्मा जोतीराव फुले यांची जयंती साजरी करण्यात आली. कार्यक्रमाच्या अध्यक्षस्थानी श्री.ज्ञानेश्वर भादले हे होते. कार्यक्रमास प्रमुख अतिथी म्हणून आश्रमशाळेचे पुरुष अधीक्षक श्री. मनोज महाजन, आणि महिला अधिक्षका सौ.शीतल पाटील हे होते.
प्रा.डॉ.राहुल निकम यांनी महात्मा जोतीराव फुले यांच्या सामाजिक,शैक्षणिक आणि साहित्यिक योगदानावर प्रकाशझोत टाकला. महात्मा जोतीराव फुले हेच शिक्षणमहर्षी असून या महाराष्ट्रातले एकमेव महात्मा असल्याचे स्पष्ट केले. महात्मा फुले यांच्या साहित्याची माहिती उपस्थितांना दिली. प्रा.डॉ.संबोधी देशपांडे यांनी राष्ट्रमाता सावित्रीमाई फुले यांच्या कार्यकर्तृत्वाची गीत गायनातून मांडली आणि त्यांच्या जीवनकार्याचा आणि सामाजिक योगदानाचा परिचय करून दिला आणि आजच्या काळातील स्त्री शिक्षणाचे महत्त्व विशद केले.
कार्यक्रमाच्या यशस्वीतेसाठी आश्रमशाळेतील कर्मचारिवृंद यांचे सहकार्य लाभले. समाजकार्य महाविद्यालयाचे प्राचार्य डॉ.ईश्वर सौदानकर, उपप्राचार्य प्रा.डॉ. आशिष गुजराथी यांनी समाधान व्यक्त केले.
No comments:
Post a Comment