सायकल चोर ' कात्या'स अटक !!
बऱ्याच दिवसा पासून शाळकरी मुलांच्या सायकलीं चोरी जात होत्या ...
अमळनेर येथील शाळकरी मुलांच्या सायकली चोरणारा कात्या ऊर्फ गौरव महाले याला पोलिसांनी अटक केली आहे . विविध ठिकाणी लावलेल्या सीसीटीव्ही फुटेजमुळे आता चोरांचा सुराग सापडत आहेत . एका मुलाची सायकल चोरून गेली असता . मुलाचे वडील जितेंद्र शरद पाटील रा . अमळगाव यांनी अमळनेर पोलीस स्टेशनला चोरीची फिर्याद दिली होती . गेल्या काही दिवसांपासून शहरात शाळकरी मुलांच्या सायकली चोरीस जात होत्या .१९ एप्रिल रोजी शहरातील ही घटनादेखील शहरातील सीसीटीव्ही फुटेजमध्ये कैद झाली . पोलीस निरीक्षक जयपाल हिरे यांनी मिलिंद भामरे आणि सूर्यकांत साळुंखे याना फुटेजच्या आधारे तपास सोपविला असता . सायकल चोरणारा तरुण हा शिरूड नाका परिसरातील सराईत चोर गौरव प्रमोद महाले ऊर्फ कात्या असल्याचे निष्पन्न झाले . त्याला अटक करण्यात आली असून त्याच्याकडून चोरीच्या आणखी तीन सायकली जप्त करण्यात आल्या आहेत . पुढील तपास पो. नि. जयपाल हिरे यांच्या मार्गदर्शना खाली एएसआय बापू साळुंखे करीत आहेत . त्याच्याकडून आणखी काही सायकली मिळण्याची शक्यता आहे.
No comments:
Post a Comment