चोपडा रोटरी उत्सव २२ चे आज जिल्हाधिकारी यांच्या हस्ते उद्घाटन ....
येथील कृषी उत्पन्न बाजार समिती आवारात (ता.२९ वार शुक्रवार) रोजी रोटरी क्लब ऑफ चोपडा द्वारा आयोजित रोटरी उत्सव २०२२ चे उद्घाटन जिल्हाधिकारी अभिजित राऊत यांच्या हस्ते संपन्न होणार आहे. सदर कार्यक्रमाच्या अध्यक्षस्थानी प्रा. अरुणभाई गुजराथी ( माजी अध्यक्ष , विधानसभा , महाराष्ट्र राज्य ) हे राहतील. तर प्रमुख अतिथी म्हणून यावेळी आमदार सौ. लता चंद्रकांत सोनवणे , प्रा .चंद्रकांत बळीराम सोनवणे ( माजी आमदार ), कैलास गोरख पाटील ( माजी आमदार ) ,मनीषा जीवन चौधरी ( लोकनियुक्त नगराध्यक्षा ,नगरपरिषद चोपडा ) ,जगदीशचंद्र वळवी ( माजी आमदार ), दिलीपराव शंकरराव सोनवणे ( माजी आमदार , विधान परिषद ) , सौ अश्विनी गुजराथी ( डिस्ट्रिक्ट चेअरमन, इनरव्हील DIST - 303 ) उपस्थित राहणार आहेत निमत्रितांनी यावेळी आयोजित कार्यक्रमाला उपस्थिती द्यावी असे आवाहन करण्यात आले आहे.
सलग चार दिवस चालणाऱ्या या उत्सवात चोपडेकरांना विविध प्रकारच्या मेजवानीचा आस्वाद घेता येणार आहे. त्यात २९ एप्रिल रोजी जिल्हाधिकारी अभिजीत राऊत यांच्या हस्ते उद्घाटन कार्यक्रम, विविध कलागुणांचा सांस्कृतिक कार्यक्रम व संदीप सोनार निर्मित स्वरांकुर म्युझिकल ऑर्केस्ट्राचे आयोजन करण्यात आले आहे . ३० एप्रिल रोजी बापू डेअरीचे संचालक बापू महाजन यांचे " शून्यातून विश्व " या विषयावर व्याख्यान असणार आहे तर अस्सल खान्देशी कलाकार प्रवीण माळी यांचे " आयतं पोयतं सख्यानं " यांचा एकपात्री प्रयोगाचे आयोजन करण्यात आले आहे. १ मे रोजी भास्कर पाटील (उप सरव्यवस्थापक महाराष्ट्र राज्य पणन मंडळ पुणे ) यांचे कृषिमाल विक्रीचे व्यवस्थापन या विषयावर व्याख्यानाचे आयोजन करण्यात आले आहे तर इ - बाईकचे महत्व व भविष्य या विषयावर श्रीराम पाटील यांचे व्याख्यान , तसेच सांस्कृतिक कार्यक्रमाची मेजवानी असणार आहे. २ मे रोजी सांस्कृतिक कार्यक्रम , पियुष जाधव ( संगीत विशारद ) यांचे बासरी वादन व रोटरी ऑर्केस्ट्राचे आयोजन करण्यात आले आहे.
जीवनाचा आनंद रंगे - रोटरी उत्सवाच्या संगे' हया थीमनुसार चोपडा रोटरी क्लब ने उत्सव २२ चे आयोजन केले आहे. सदर उत्सवात बिझिनेस स्टॉल ४९, प्रिमियम कॉर्नर स्टॉल ३, एकझीकेटीव्ह स्टॉल २, प्रिमियम बिझिनेस स्टॉल १४,प्रिमियम ऑटोस्टॉल ६, खाद्यपदार्थ स्टॉल ६० अशा एकूण १३४ दुकानांद्वारे या उत्सवात ग्राहकांसाठी विक्री तसेच बालगोपालांसाठी हौसमौज व विविध करमणुकीची साधने , खेळण्यांची दुकाने या ठिकाणी उपलब्ध असणार आहेत.
या चार दिवसीय रोटरी उत्सवात किमान एक लाख लोक भेटी देतील असा आशावाद चोपडा रोटरी क्लबचे अध्यक्ष रोटे. पंकज बोरोले , रोटे.प्रविण मिस्त्री (मानद सचिव ) ,प्रकल्प प्रमुख रोटे. ॲड. रुपेश पाटील , सह प्रकल्प प्रमुख रोटे. चेतन टाटिया , रोटे.तेजस जैन (खजिनदार) आदिंनी व्यक्त केला आहे. शहरातील व तालुक्यातील जनतेने मोठ्या संख्येने उपस्थित राहून रोटरी उत्सवाच्या आनंद घ्यावा असेही आवाहन करण्यात आले आहे.
No comments:
Post a Comment