उपप्राचार्य प्रा. बी एस हळपे यांचा सेवापूर्ती निमित्त चोपडा तालुका धनगर समाजातर्फे सत्कार . . .

चोपडा (प्रतिनिधी) : - -

          उपप्राचार्य प्रा. बी एस हळपे यांचा सेवापूर्ती निमित्त चोपडा तालुका धनगर समाजातर्फे  सत्कार

          चोपडा तालुका धनगर समाजाच्या वतीने पुण्यश्लोक अहिल्याबाई होळकर यांच्या जयंतीचे औचित्य साधून महात्मा गाधी शिक्षण मंडळ संचलित  कला , शास्त्र व वाणिज्य  महाविदयालयाचे उपप्राचार्य प्रा बी एस हळपे 33 वर्षाच्या प्रदिर्घ सेवेनंतर 31मे 2023 रोजी नियत वयोमानानुसार सेवानिवृत्त झाल्याने व गेली 33 वर्षे कनिष्ठ महाविदयालयात इंग्रजी विषयाचे उत्कृष्ट अध्यापन व मार्गदर्शन करून असंख्य विदयार्थी त्यांनी घडविले.

         चोपडा तालुका धनगर समाजाच्यावतीने मधुकर चिंधू कंखरे ( माजी सरपंच कमळगाव व श्री योगेश्वर शिक्षण मंडळ अहिल्याबाई होळकर माध्य. विद्यालयाचे अध्यक्ष) यांच्या अध्यक्षतेखाली  उपप्राचार्य प्रा बी एस हळपे व सौ माधुरी हळपे यांचा सत्कार  करण्यात आला व गौरवपत्र देऊन गोपाल धनगर , ( सचालक , चोपडा साखर कारखाना ) यांच्या हस्ते  सन्मानीत करण्यात आले. सर्वप्रथम पुण्यश्लोक अहिल्याबाई होळकर यांच्या प्रतिमेचे पुजन मान्यवरांच्या हस्ते करण्यात आले.

         कार्यक्रमाचे प्रास्तविक डॉ. नरेंद्र शिरसाठ यांनी केले व सूत्रसंचालन भूपेश धनगर व व्ही जे पवार यांनी केले. आभार प्रदर्शन दत्तू गुरुजी यांनी केले . याप्रसंगी तालुक्यातील राजकिय , सामाजिक , शैक्षणिक , वैद्यकिय , प्रशासकीय क्षेत्रातील मान्यवर , गुणवंत विद्यार्थी, पालक, समाजबांधव व भगिनी  मोठ्या संख्येने उपस्थित होते.