लोकसंख्येची संख्यात्मक वाढ पेक्षा गुणात्मक वाढ व्हावी - प्रा. डॉ. शैलेश वाघ

चोपडा (प्रतिनिधी) : - -

          लोकसंख्येची संख्यात्मक वाढ पेक्षा गुणात्मक वाढ व्हावी - प्रा. डॉ. शैलेश वाघ

           महात्मा गांधी शिक्षण मंडळाचे दादासाहेब डॉ. सुरेश जी पाटील महाविद्यालयात आज दिनांक 11 / 07 / 2023  मंगळवार रोजी जागतिक लोकसंख्या दिवस साजरा करण्यात आला .

           या कार्यक्रमाचे अध्यक्षस्थान महाविद्यालयाचे उपप्राचार्य डॉ.के.एन.सोनवणे यांनी भूषविले सोबत , महाविद्यालयाचे समन्वयक व कार्यक्रमाचे प्रमुख वक्ते प्रा.डॉ शैलेशकुमार वाघ, कनिष्ठ महाविद्यालयाचे उपप्राचार्य श्री एस पी पाटील ,पर्यवेक्षक श्री ए.एन.बोरसे, समन्वयक श्री.पी.एस.पाडवी, आदी मान्यवर विचारपीठावर उपस्थित होते.

          या कार्यक्रमाप्रसंगी इयत्ता 11वी व 12वी च्या विद्यार्थ्यांना प्रमुख वक्ते प्रा.डॉ शैलेशकुमार वाघ, यांनी कार्यक्रम साजरा करण्याची उद्दिष्टे स्पष्ट केली व लोकसंख्या ही संख्यात्मक वाढपेक्षा लोकसंख्येची गुणात्मक वाढ व्हावी या दृष्टीने प्रयत्न करावे असे उपस्थितांना आवाहन केले.

         कनिष्ठ महाविद्यालयीन विद्यार्थी प्रगती दिपक चव्हाण, आरती कैलास बारेला, रोशनी मिलिंद शिरसाठ, पंचशीला विरभान चव्हाण, वर्षा योगेश कोळी, साक्षी सुनील कोळी, प्रेम जितेंद्र कोळी, धनश्री ईश्वर कोळी यांनी लोकसंख्या वाढीचे सकारात्मक व नकारात्मक बाबी मांडल्या व अध्यक्षीय भाषणात प्रा डॉ के एन सोनवणे यांनी लोकसंख्येबाबत सर्वांनी काटेकोर पालन करून देश समृद्ध कसा करता येईल याबाबत मत व्यक्त केले.

          कार्यक्रमाची सुरुवात ही संगीत विभागाचे शिक्षक व विद्यार्थी यांनी गीत गायनाने केली. या कार्यक्रमात श्री एस टी शिंदे, श्री दिलीप सपकाळे, श्री संदीप पाटील, श्री प्रमोद पाटील, श्री.दीपक करणकाळ, श्री विशाल पाटील उपस्थित होते.

          तसेच यशस्वीतेसाठी श्री मुकेश पाटील , श्री मोतीराम पावरा, श्री निवृत्ती पाटील, श्री विवेकानंद शिंदे, श्री संदीप पाटील व शिक्षकेतर कर्मचारी श्री राकेश काविरे यांचे अनमोल योगदान लाभले. कार्यक्रमाचे प्रास्ताविक श्री पी एस पाडवी , सूत्रसंचालन सौ अनिता सांगोरे यांनी तर आभार श्री अभिजित पाटील यांनी केले.