जागतिक सर्पदिनानिमित्त माचले येथे शून्य सर्पदंश जनजागृती अभियान
चोपडा तालुक्यातील माचले येथील आईसाहेब चिंधाबाई निंबाजी पाटील माध्यमिक विद्यालय , येथे 16 जुलै जागतिक सर्प दिनानिमित्त शून्य सर्पदंश जनजागृती अभियान अंतर्गत सातपुडा निसर्ग संवर्धन संस्थेतर्फे सापांबद्दलची भीती व गैरसमज दूर करून सर्प संवर्धनाचे आवाहन पक्षी व वन्यजीव अभ्यासक व संवर्धक श्री हेमराज पाटील यांच्यातर्फे करण्यात आले.
विद्यालयातील माध्यमिक विभागातील सर्व विद्यार्थी , सर्व शिक्षक बंधू - भगिनी व कर्मचारी यांना जागतिक सर्प दिनानिमित्त सापांचे अन्नसाखळीतील महत्त्व , पर्यावरणीय परिस्थितीतील सापांचे स्थान , सर्प हे शेतकऱ्यांचे व मानवाचे मित्र कसे , परिसरात आढळणारे विषारी व बिनविषारी सर्प कोणते यांची सचित्र ओळख , सर्पदंश होऊ नये म्हणून घ्यावयाची खबरदारी , सर्पदंश झालाच तर प्रथमोपचार कसे करावे इत्यादी बाबतीत अभ्यासपूर्ण माहिती देऊन सर्व उपस्थितांचे प्रबोधन केले. साप निघाल्यास त्यास ठार न करता सर्पमित्रांची मदत घेऊन सापांचे रक्षण करण्याचा विद्यालयातर्फे निर्धार करण्यात आला.
साप आढळून आल्यास त्याला डिवचण्याचा प्रयत्न करू नका , काठी अथवा दगड मारू नका , लहान मुले , वृद्धव्यक्ती , पाळीव प्राण्यांना त्यापासून दूर ठेवा , जोखीम पत्करून साप पकडण्याचा प्रयत्न करू नका , सुरक्षित दूर अंतरावर उभे राहून सापावर लक्ष ठेवून राहा व तात्काळ जवळच्या सर्प मित्राला संपर्क करून सापाला निसर्गात सोडून मुक्तपणे जगण्यास सहकार्य करा.
No comments:
Post a Comment