पोलिस स्वतःच्या परिवारा सह गणपती विसर्जनाचा आनंद घेईल ; असे विसर्जन होईल ; तेव्हाच आदर्श विसर्जन समजावे --- एस. राजकुमार

 चोपडा (प्रतिनिधी) : - -

          पोलिस स्वतःच्या परिवारा सह गणपती विसर्जनाचा आनंद घेईल ; असे विसर्जन होईल ; तेव्हाच आदर्श विसर्जन समजावे --- एस. राजकुमार 

         पोलिस प्रशासनाकडून कोणालाही त्रास होणार नाही याची दक्षता आम्ही घेत असतो परंतु गणपती मंडळाकडून ही तितकेच सहकार्य आम्हाला मिळावे. ही अपेक्षा आहे आमची अपेक्षा तर इतकी आहे की पोलीस प्रशासनातील अधिकारी हा आपल्या परिवारा सोबत गणपती विसर्जानात सामील होईल आणि तोही आनंद घेईल तो पर्यंत खरा आदर्श विसर्जन सोहळा होऊच शकत नाही असे उदगार पोलीस अधीक्षक एस. राजकुमार यांनी चोपडा येथिल कै. शरदचंद्रीका नाट्यगृहात झालेल्या शांतता कमेटीच्या बैठकित ते बोलत होते. 

           यावेळी कार्यक्रमाचे अध्यक्ष माजी विधानसभा अध्यक्ष अरुणभाई गुजराथी, प्रमुख पाहुणे म्हणून आमदार लताताई सोनवणे, माजी आमदार चंद्रकांत सोनवणे, प्रांतअधिकारी एकनाथ भंगाळे, सहा.पोलीस अधीक्षक चोपडे, डीवायएसपी. ऋषिकेश रावले, मुख्यधाकारी हेमंत निकम, पोलीस निरीक्षक के.के. पाटील, पोलीस निरीक्षक श्रीमती कावेरी कमलाकर, आदी प्रशासनाचे अधिकारी हजर होते.

         यावेळी माजी विधानसभा अध्यक्ष अरुणभाई गुजराथी यांनी आपले विचार मांडताना सांगितले की, पोलिसांनी आम्हाला सहकार्य करावे शेवटचे 2 तास वाढवून मिळावे. आणि अतिउत्साही मध्ये मंडळाच्या पदाधिकारी कडून थोडी फार चूक झाली तरी आपण गुन्हे दाखल करू नका आमच्या कडून तुम्हांला त्रास होईल असे कोणतेही काम करणार नाही याची ग्वाही देतो. 

         तसेच माजी आमदार चंद्रकांत सोनवणे यांनी देखील आपले विचार मांडले. तसेच पोलीस निरीक्षक के.के.पाटील यांनी कार्यक्रमाचे प्रस्ताविक केले. यावेळी भटू पाटील, सलीम कुरेशी, अनिल वानखेडे, गजेंद्र जैस्वाल, प्रदीप पाटील, डॉ. रवी पाटील, घनश्याम अण्णा पाटील, आदिंनी येणाऱ्या अडचणी प्रशासना समोर मांडल्या रोटरी क्लब चोपडा निर्माल्य बॉक्स देणार आहे. व स्वतः गोळा करून घेणार आहेत एकंदरीत शांतता समितीची बैठक शांततेत पार पडली.