तावसे बु ! ! ग्रामपंचायत निवडणुकीत लोकनियुक्त सरपंचासह सर्व सदस्य बिनविरोध.....

 चोपडा (प्रतिनिधी) : - -

          तावसे बु ! ! ग्रामपंचायत निवडणुकीत लोकनियुक्त सरपंचासह सर्व सदस्य बिनविरोध.....

            तावसे बुद्रुक ग्रामपंचायत पंचवार्षिक निवडणुकीत माघारीच्या दिवशी सलोख्याने व सामंजसपणे सर्वांच्या एकमताने  लोकनियुक्त सरपंच पदासह सर्व ग्रामपंचायत सदस्य यांची बिनविरोध निवड करण्यात यश आले आहे. सरपंच पदासाठी सौ. रेखा किशोर चौधरी हया बिनविरोध लोकनियुक्त सरपंचपदी निवडून आल्या आहेत तसेच तिन्ही वार्डातील सर्वच उमेदवार बिनविरोध करण्यात यश आले आहे.

          त्यात वॉर्ड क्रमांक 1 मधून कोळी संदिपनी संभु , चौधरी राजेंद्र ‌देविदास , चौधरी अलकाबाई मनोज हे बिनविरोध निवडून आले आहेत तर वॉर्ड क्रमांक 2 मधून शिंदे सुशिला प्रभाकर , पाटील बन्सुबाई अनिल , चौधरी धनराज भगवान हे बिनविरोध निवडून आले आहेत. तर वॉर्ड क्रमांक 3 मधून संदिप डिगंबर पाटील , चौधरी रेखा किशोर  , चौधरी बेबाबाई ज्ञानेश्वर हे बिनविरोध निवडून आले आहेत.

        ग्रामपंचायत निवडणूक ही विधानसभे पेक्षा कठीण असते, प्रचंड चुरशीची असते अशा कहाण्या आपण नेहमी ऐकत आलो आहोत. या निवडणुकांचा गावावर काय परिणाम पडतो ? गावाचा काय फायदा किंवा तोटा होतो ? हे सर्वांनी अनुभवले आहे. या सर्व बाबींचा विचार करून व गावाचा विकास व्हावा हा हेतू डोळ्या समोर ठेवून संपूर्ण ग्रामपंचायत निवडणुक बिनविरोध केल्याचे गावकऱ्यांचे म्हणणे आहे.

          कोरोनाच्या प्रभावामुळे राज्यातील अनेक ग्रामपंचायतींची मुदत संपून देखील निवडणुका रखडल्या होत्या. चोपडा तालुक्यातील 22 ग्रामपंचायतीची निवडणूक कार्यक्रम जाहीर झाला असून आज माघारीचा शेवटचा दिवस होता. शेवटच्या दिवशी वॉर्ड क्रमांक 3 मधील उमेदवार विनायक जगन्नाथ पाटील यांनी मनाचा मोठेपणा दाखवत आपला उमेदवारी अर्ज मागे घेतला. तावसे बुद्रुक ग्रामपंचायत ने इतिहास रचत सर्व जागा बिनविरोध करण्यात यश मिळवले आहे.

          सदर प्रसंगी विनायक प्रल्हाद चौधरी, कैलास गोकुळ चौधरी , भानुदास प्रल्हाद चौधरी , राजेंद्र देविदास चौधरी , विनायक गोकुळ चौधरी , बाळकृष्ण छगन चौधरी , नरेंद्र छगन चौधरी , अनिरुद्ध छगन चौधरी , देवानंद धनसिंग शिंदे (माजी उपसभापती पंचायत समिती चोपडा ) प्रभाकर धनसिंग शिंदे , ज्ञानेश्वर पुरुषोत्तम पाटील , बाळकृष्ण बळीराम पाटील , सुनील तापीराम पाटील , केसरसिंग झावरू पाटील , ज्ञानेश्वर भाईदास चौधरी आदींनी परिश्रम घेतले.