जि. प. केंद्र शाळा दहिवद ता. अमळनेर येथे माजी विद्यार्थी अजय सपकाळेचा वाढदिवस साजरा , विध्यार्थ्यांना वह्या व पेन वाटप . . . .

 

अमळनेर (प्रतिनिधी) : - -

          जि. प. केंद्र शाळा दहिवद ता. अमळनेर येथे माजी विद्यार्थी अजय सपकाळेचा वाढदिवस साजरा , विध्यार्थ्यांना वह्या व पेन वाटप . . . .

        दहिवद ता. अमळनेर येथील अजय सुनिल सपकाळे हा सर्व साधारण कुटुंबातील मुलगा जि. प. केंद्र शाळा दहिवद ता. अमळनेर येथे शिकून लहानाचा मोठा झाला या शाळेत मिळालेल्या छडी , संस्काराची व ज्ञानाच्या शिदोरीवर अजय आज रोजी विदेशात चांगल्या नोकरीवर आहे.

         घरी आपल्या गावी दहिवद येथे आला असताना त्याला आपल्या लहानपणीच्या शाळेची व आपल्या गुरुची आठवण यायला लागली. ज्या शाळेत मिळालेल्या ज्ञानावर आपण यशस्वी झालो व आज नोकरी साठी विदेशात पोहचलो त्या शाळेचे आपण देणे लागतो अशा भावनेने अजय ने आपल्या वाढदिवसाच्या दिवशी शाळेत भेट देऊन तेथील विध्यार्थ्यांना वह्या व पेन वाटप करण्याचे ठरविले.

         अजय शाळेत गेल्यावर आपले गुरु रमेश पाटील यांना भेटला व आपला मनोदय सांगितला असता त्याचे गुरु रमेश यांना आपला विध्यार्थी आज विदेशात नोकरी करत आहे याचा त्यांना अत्यानंद झाला व आज त्याचा वाढदिवस आहे हे कळाल्यावर त्यांनी तिथेच वाढदिवस आपल्या सहकारी गुरुजी व विद्यार्थी सह वाढदिवस साजरा केला. गुरुजी तुम्ही दिलेली छडी व ज्ञानावर मी आज विदेशात नोकरीला आहे असे सांगितल्यावर गुरुजी रमेश पाटील यांना गहिवरून आले व अजय च्या इच्छेखातर त्यांनी त्याला एक छडी ही मारली. व जीवनात अजून यशस्वी होण्याचा आशीर्वाद दिला.

           अशा उल्लाहासात व जल्लोषात सर्व सहकारी शिक्षक - शिक्षिका व विध्यार्थ्यांन सह अजय चा वाढदिवस व अजय तर्फे सर्व विध्यार्थ्यांना वह्या व पेन वाटप करून वाढदिवस साजरा करण्यात आला. त्याप्रसंगी अजयचे गुरु रमेश पाटील त्यांचे सहकारी शिक्षक - शिक्षिका व विध्यार्थी पालक व गावातील नागरिक हजर होते.