सेवानिवृत्त मुख्याध्यापक विलास पाटील यांची माय मराठी राज्य अध्यापक संघाच्या कविसंमेलनच्या अध्यक्षपदी निवड

 चोपडा (प्रतिनिधी) : - -

         सेवानिवृत्त मुख्याध्यापक विलास पाटील यांची माय मराठी राज्य अध्यापक संघाच्या कविसंमेलनच्या अध्यक्षपदी निवड 

         माय मराठी राज्य अध्यापक संघ महाराष्ट्र नगर जिल्हा आयोजित राज्यातील मराठी अध्यापकांचे मराठी भाषा चिंतन शिबीर अकोले नगर येथे दि. 24 / 25 डिसेंबरला होत आहे. यात होणाऱ्या कविसंमेलनाच्या अध्यक्ष पदाची संधी सेवानिवृत्त मुख्याध्यापक श्री. विलास पी.पाटील सर (खेडीभोकरीकर ता. चोपडा) यांना लाभली आहे.

        राज्य मराठी संघांच्या सदस्यांच्या या कविसंमेलनात शालेय अभ्यासक्रमात ज्यांच्या कविता समाविष्ट आहेत असे  कवी डाॅ. कैलास दौंड (इयत्ता 8 वी गोधडी कविता ) रानकवी श्री. तुकाराम धांडे (इयत्ता 9 वी वनवासी कविता) हे निमंत्रित कवी असून या कविसंमेलनाचे अध्यक्षपद भूषविण्याचा मान श्री. विलास पाटील सर ( राज्य उपाध्यक्ष माय मराठी संघ महाराष्ट्र) यांना लाभल्या बद्दल त्यांच्या वर समाजाच्या सर्व स्तरातून अभिनंदनाचा वर्षाव होत आहे.