चोपडा ज्येष्ठ नागरिक संघाचा जागतिक ज्येष्ठ नागरिक दिन साजरा .....

चोपडा (प्रतिनिधी) : - -

          चोपडा ज्येष्ठ नागरिक संघाचा जागतिक ज्येष्ठ नागरिक दिन साजरा .....

        कायद्याच्या नवीन तरतूदीनुसार आता मुलं - मुली जर आई - वडिल यांचे पालन पोषण करत नसतील तर आई वडिलांना न्यायालयात न जाता प्रांतांकडे अर्ज केल्यास प्रांत मुलं - मुली यांना आई - वडिलांच्या पालन पोषणासाठी पोटगी खर्च देण्याचा निर्णय / आदेश देण्याचा अधिकार असल्याचे प्रतिपादन चोपडा न्यायालयाचे विधीज्ञ श्री. एस्. डी. पाटील यांनी चोपडा ज्येष्ठ नागरिक संघाच्या कार्यालयात संपन्न 1 ऑक्टोंबर जागतिक दिन कार्यक्रमात प्रमुख अतिथी म्हणून ज्येष्ठ नागरिक समस्या, हक्क व अधिकार विषयक कायदेशीर मार्गदर्शन करतांना सांगितले . 

         तसेच सध्या ज्येष्ठ नागरिकांच्या निर्माण होणाऱ्या समस्यां या नैतिक मूल्यांची होणारी घसरण, ज्येष्ठांविषयी अनादर व वाढत जाणारी विभक्त कुटुंब व्यवस्था या सम विविध कारणांमुळे होत असल्याचे निरिक्षण न्यायालयांनी नोंदविल्याचे संघाचे विधी तज्ज्ञ ॲड. व्ही बी पाटील यांनी स्पष्ट केले.

            1 ऑक्टोंबर जागतिक ज्येष्ठ नागरिक दिनानिमित ज्येष्ठ नागरिक संघ कार्यालयात झालेल्या या कार्यक्रमात सेवा निवृत्त प्रा. व्ही के पाटील यांनी ज्येष्ठांच्या व्यथा मांडल्या तर व्ही. एच. करोडपती यांनी ज्येष्ठांच्या समस्या व योजनां विषयी माहिती दिली.

          कार्यक्रमास संघाचे अध्यक्ष जयदेव देशमुख, उपाध्यक्ष - जे. एस्. नेरपगारे, सहसचिव इंजि व्ही. एस्. पाटील, कोषाध्यक्ष - दिलीपराव पाटील, माजी अध्यक्ष व्ही. एच. करोडपती, माजी उपाध्यक्ष एम डब्ल्यू पाटील, सेवा निवृत्त मुख्या. सुभाष पाटील, मधुकर बाविस्कर, जगन्नाथ पाटील यां  आजी माजी पदाधिकाऱ्यांसह संघाचे अनेक सदस्य उपस्थित होते . कार्यक्रमाचे प्रास्ताविक - सूत्रसंचालन संघाचे सचिव विलास पाटील यांनी केले .