चोपडा (प्रतिनिधी) : - -
चोपड्यात 69 मतदारांनी बजावला गृह मतदानाचा अधिकार...
चोपडा विधानसभा मतदारसंघात काल दिनांक 10 रोजी 85 वर्षापेक्षा अधिक वय असणाऱ्या आणि दुर्धर आजाराने ग्रस्त किंवा दिव्यांग असणाऱ्या मतदारांसाठी गृह मतदानाची व्यवस्था प्रशासनाच्या वतीने करण्यात आली होती. अशा 70 मतदारांपैकी पहिल्याच दिवशी 69 मतदारांनी आपला मतदानाचा हक्क बजावला. एक मतदार बाहेरगावी गेले असल्याने त्यांचे मतदान करण्याची संधी त्यांना 14 तारखेला पुन्हा एकदा उपलब्ध करून देण्यात येणार आहे.
गृह मतदानाची प्रक्रिया यशस्वीपणे पार पाडण्यासाठी निवडणूक निर्णय अधिकारी गजेंद्र पाटोळे सहाय्यक निवडणूक निर्णय अधिकारी भाऊसाहेब थोरात यांच्या मार्गदर्शनाखाली निवडणूक नायब तहसीलदार सचिन बांबळे, निवासी नायब तहसीलदार योगेश पाटील नियुक्त करण्यात आलेले क्षेत्रीय अधिकारी, नेमण्यात आलेल्या पाच पथकातील कर्मचारी पोलीस अधिकारी फोटोग्राफर अनेक कर्मचाऱ्यांनी परिश्रम घेतले.
( डॉ यांचे क्लिनिक 1 नोव्हेंबर पासून सुरु )
तसेच चोपडा शहरातील पत्रकार महेश पांडुरंग शिरसाठ या दिव्यांग मतदारांच्या घरी जाऊन पाच नंबर पथकाने मतदान घेऊन चोख कामगिरी बजावल्यामुळे दिव्यांग बांधवांना मतदानापासून मुकावे न लागल्याबद्दल व त्रास टळल्याबद्दल प्रशासनाचे त्यांनी आभार व्यक्त केले आहेत. यासाठी सेक्टर अधिकारी संजय गोपाळ मिसर, मतदान अधिकारी उत्तम रतिलाल चव्हाण, मतदान अधिकारी योगेश जगन्नाथ सनेर, गायकोऑब्जर्वर रजत बांगडकर, पोलिस कर्मचारी निलेश पाटील, रविंद्र महाजन यांनी परिश्रम घेतले.
No comments:
Post a Comment