छत्रपती शिवाजी महाराज महाराजस्व समाधान शिबीर अडावद येथे संपन्न...

 

चोपडा (प्रतिनिधी) : - -

        छत्रपती शिवाजी महाराज महाराजस्व समाधान शिबीर अडावद येथे संपन्न...

          राज्य शासनाच्या “छत्रपती शिवाजी महाराज महाराजस्व समाधान शिबीर अभियान” अंतर्गत चोपडा तालुक्यातील सर्व गावांना एकत्रित महसूल व सर्वसमावेशक शासकीय सेवा शिबीराचे आयोजन करण्यात आले. उद्घाटन मा.  प्रा. आ. श्री चंद्रकांत सोनवणे यांच्या हस्ते संपन्न झाले. यावेळी त्यांनी लाभार्थ्यांशी संवाद साधून विविध योजनेचे लाभ व धनादेश प्रदान केले. 

        या शिबिरात 1700 ते 1800 नागरिकांनी उपस्थित राहून विविध योजनांचा लाभ घेतला. शासनाच्या विविध विभागांनी एकत्रितपणे सेवा उपलब्ध करून दिल्यामुळे ग्रामीण भागातील नागरिकांना त्यांच्या गावातच प्रशासनाची सुविधा सुलभतेने मिळाली.

          या कार्यक्रमाला उपविभागीय अधिकारी, अमळनेर - श्री. नितीनकुमार मुंडावरे, उपविभागीय पोलीस अधिकारी - श्री अण्णासाहेब घोलप, तहसीलदार चोपडा - श्री. भाऊसाहेब थोरात, गटविकास अधिकारी - श्री अनिल विसावे, श्री राजपूत सार्वजनिक बांधकाम विभाग सर्व तालुका स्तरीय अधिकारी, कर्मचारी व मंडळ स्तरावरील यंत्रणा उपस्थित होते.

         या कार्यक्रम संचालन व समारोप- सूत्रसंचालन श्री. देवेंद्र पाटील (केंद्रप्रमुख, पंचायत समिती चोपडा) यांनी केले. या शिबिरामुळे नागरिकांना गावातच शासनाच्या विविध सेवा मिळाल्याने प्रशासनाविषयी समाधान व सकारात्मक भावना व्यक्त करण्यात आली.