श्री बालाजी महाराजांचा आजपासून वहनोत्सव दि. 3 ऑक्टोबर रोजी रथयात्रा....

 

चोपडा (प्रतिनिधी) : - -

         श्री बालाजी महाराजांचा आजपासून वहनोत्सव दि. 3 ऑक्टोबर रोजी रथयात्रा....

         चोपडा येथील श्री व्यंकटेश बालाजी संस्थानाचा सुमारे 350 ते 400 वर्षांची परंपरा असून शारदीय नवरात्री उत्सवा निम्मिताने सालाबादा नुसार वहनोत्सव व रथयात्रा उत्सव दि. 22 सप्टेंबर ते ४ ऑक्टोबर दरम्यान चोपडा शहरात साजरा होणार आहे. या वहनोत्सव व रथयात्रेची तयारी पूर्णत्वास आली असल्याची माहिती श्री व्यंकटेश बालाजी संस्थानच्या विश्वस्थानी दिली.

         आज दि. 22 घटस्थापणे पासून वहनोत्सव सुरु होत असून रोज शहरातील वेगवेगळ्या भागात श्री बालाजी महाराजांचे वहन वाद्यांच्या गजरात भक्तांच्या भेटीला जाते. व भक्त ठिकठिकाणी या वहनाची आरती करून जल्लोष्यात स्वागत करतात.

         वहनोत्सवानिमित्त वहनाची दररोज विधिवत पूजेनंतर रात्री 9 वाजेनंतर मंदिरापासून सुरुवात होऊन दि. 22 सप्टेंबर रोजी हत्तीचे वहन गांधी चौक , बाजारपेठेत जाईल , दि. 23 सप्टेंबर रोजी सिंहाचे वहन मोठा देव्हारा , गणेश कॉलनी या भागात जाईल , दि. 24 सप्टेंबर रोजी बत्तीस पुतळीचे वहन अरुणनगर , श्रीराम नगर या भागात जाणार आहे , दि. 25 सप्टेंबर रोजी गरुडाचे वहन गुजर अळी येथे जाईल , दि. 26 सप्टेंबर रोजी नागोबाचे वहन सुंदरगढीत जाईल , दि. 27 सप्टेंबर रोजी मारोतीचे वहन जबरेराम मंदिर , भाटगल्लीया भागात जाईल , दि. 28 सप्टेंबर रोजी सूर्याचे वहन बडगुजर गल्लीत जाईल , दि. 29 सप्टेंबर रोजी चंद्राचे वहन पाटील गढी , मल्हारपुरा या भागात जाणार आहे , दि. 30 सप्टेंबर रोजी वाघाचे वहन गुजराथी गल्लीत जाईल , दि. 1ऑक्टोबर रोजी मोराचे वहन रथगल्ली , बाजारपेठ या भागात जाणार आहे , दि. 2  ऑक्टोबर रोजी घोड्याचे वहन चौधरी वाडा , जैन गल्ली या भागात जाईल.

          तसेच दसऱ्याच्या दुसऱ्या दिवशी चोपडा शहरात दोन दिवसाची रथयात्रा भरते. त्यानिम्मिताने शहरातील व पंचक्रोशीतील या नागरिक मोठ्या संख्येने सहभागी होतात. यावर्षी रथोत्सव 3 व 4 ऑक्टोबरला होणार आहे. दि. 3 ऑक्टोबर रोजी सकाळी 10 वाजता गोल मंदिरा जवळील श्री बालाजी मंदिरापासून श्री बालाजी महाराजांच्या रथयात्रेला सुरुवात होईल. आशा टॉकीज , चोपड्याचे ग्रामदैवत श्री आनंदी भवानी मंदिर समोरून रथ मागनि रथ पाटील दरवाजा मार्गे छत्रपती शिवाजी महाराज चौकात रात्रभर भाविकांच्या दर्शनासाठी मुक्कामी राहिल. तसेच तेथून दुसऱ्या दिवशी दि. 4 ऑक्टोबर रोजी सकाळी 10 वाजता सुरुवात होऊन शनिमंदिर समोरून बाजारपेठ मार्गे पुन्हा गोल मंदिराजवळ येवून रथयात्रा संपते.