चोपडा (प्रतिनिधी) : - -
लोक अदालतीत नगरपालिकेच्या थकीत वसुलीला चालना.....
दिवाणी व फौजदारी न्यायालय, चोपडा यांच्या संयुक्त विद्यमाने आज दि.13 सप्टेंबर 2025 रोजी लोक अदालतीचे आयोजन करण्यात आले. या लोक अदालतीत चोपडा नगरपरिषदेच्या थकीत रकमेबाबत असलेली प्रकरणे तडजोडीद्वारे निकाली काढण्यात आली.
या लोकअदालतीत नगरपालिकेच्या वतीने एकूण 29 प्रकरणे दाखल करण्यात आली होती. त्यातून एकूण 37,51,951/- रुपये एवढी थकीत रक्कम तडजोडी अंती वसूल करण्यात आली. सुट व तडजोडीची प्रक्रिया न्यायाधीश श्री. शिगोकर यांच्या कोर्टात पूर्ण करण्यात आली.
या उपक्रमासाठी लोक अदालतीत मुख्याधिकारी श्री. राहुल पाटील यांच्या नेतृत्वाखाली नगरपालिकेच्या वतीने उपमुख्याधिकारी श्री. संदीप गायकवाड , मिळकत व्यवस्थापक श्री. संजय धमाळ , लिपिक श्री. प्रफुल बोंडे , लिपिक श्री. पंकज बाविस्कर , ऑपरेटर श्री. मुकेश सूर्यवंशी , मदतनिस श्री. मनोहर माळी इत्यादी कर्मचारी उपस्थित होते.
लोक अदालतीच्या यशस्वी आयोजनामुळे थकीत रकमेच्या वसुलीस चालना मिळाली असून नागरिक आणि प्रशासन यांचा समन्वय वृद्धिंगत झाला आहे. तसेच गाळेधारकांनी मिळालेल्या सूटसह सहकार्याबद्दल समाधान व्यक्त करून मुख्याधिकारी श्री. राहुल पाटील यांचे आभार मानले.
तसेच यासोबतच, येत्या 25 सप्टेंबर 2025 रोजी नगरपरिषद नाट्यगृह, चोपडा येथे लोकसेवा पंधरवाड्याचे आयोजन करण्यात येणार आहे. सदर लोकसेवा पंधरवड्यासाठी आमदार महोदय स्वतः उपस्थित राहणार आहेत. तरी, सर्व नागरिकांनी या उपक्रमाचा लाभ घ्यावा, असे आवाहन करण्यात येत आहे.
No comments:
Post a Comment