महाराष्ट्र शासनाकडून दोडे गुजराऊ बोलीचे अभ्यासक म्हणून विलास पाटीलांना निमंत्रण...

 

चोपडा (प्रतिनिधी) : - -

          महाराष्ट्र शासनाकडून दोडे गुजराऊ बोलीचे अभ्यासक म्हणून विलास पाटीलांना  निमंत्रण...

          महाराष्ट्र शासन, मराठी भाषा विभाग, भाषा संचालनालय, राज्य मराठी विकास संस्था, मराठी भाषा विद्यापीठ या पाच शासकीय संस्थांतर्फे नाशिक येथे नुकतीच महाराष्ट्रातील बोली अभ्यासक कार्यशाळा संपन्न झाली. या कार्यशाळेत दोडे गुजराऊ बोली अभ्यासक म्हणून निवृत्त मुख्याध्यापक विलास पाटील खेडीभोकरी कर संपादक गुर्जरदिशा यांना महाराष्ट्र शासनाकडून निमंत्रित करण्यात आले होते .

          राज्याच्या इतिहासात मराठी बोलींसाठी प्रथमच झालेली ऐतिहासिक अर्थात पायाभूत बोली अभ्यासासाठी , बोली संशोधन कार्यासाठी निश्चित दिशादर्शक ज्ञान देणारी यथार्थ कार्यशाळा असे वर्णन करता येईल अशा या बोली अभ्यासक कार्य शाळेने महाराष्ट्रातील 80 च्यावर बोली अभ्यासकांना प्रतिभासी माध्यमाद्वारे सुप्रसिद्ध भाषा तज्ज्ञ पद्मश्री श्री. गणेशदेवी व श्री. किरण कुळकर्णी IAS (राज्य सचिव -भाषा संचालनालय) यांच्यासह 3 विद्यापीठांचे कुलगुरू, राज्य मराठी विकास संस्था संचालक  व भाषा संचालक यां सह विविध बोलींचे 30 नामवंत तज्ज्ञ अभ्यासक वक्त्यांनी प्रेरणादायी अनमोल मार्गदर्शन केले .

         तिनही दिवस मराठी विद्यापीठ रिद्धपूर अमरावतीचे कुलगुरू डॉ.अविनाश आवलगांवकर, भाषा संचालक श्री.अरुण गिते व या कार्यशाळेच्या आयोजनाची खऱ्या अर्थाने जबाबदारी पेलणारे भाषा विभाग मंत्रालयातील खानदेशचे श्री .नामदेव कोळी व डॉ. संजय काशिनाथ पवार (पढावद शिंदखेडा) व सहकारी यांची पूर्ण वेळ सक्रिय प्रेरणादायी  उपस्थिती या कार्य शाळेच्या यशाचे गमक ठरली. या बोली अभ्यासक कार्य शाळेमुळे सहभागी बोली अभ्यासकांना आपापल्या बोलीची अभ्यासाची स्थिती काय आहे ? बोली नेमकी कुठे आहे ? किती क्षेत्रात बोली अभ्यासण्याची संधी व  अभ्यासकांची आवश्यकता आहे ,याची पायाभूत माहिती मिळाली असे दोडे गुजराऊ बोली अभ्यासक शासन निमंत्रित प्रतिनिधी म्हणून सहभागी विलास खेडीभोकरीकर यांनी सांगितले.