ना. गिरीश महाजन यांच्या वाढदिवसानिमित्त आरोग्य शिबिर संपन्न ; नगरसेविका सौ संध्या नरेश महाजन यांचा उपक्रम

 

चोपडा (प्रतिनिधी) : - -

        ना. गिरीश महाजन यांच्या वाढदिवसानिमित्त आरोग्य शिबिर संपन्न ; नगरसेविका सौ संध्या नरेश महाजन यांचा उपक्रम

        महाराष्ट्र राज्याचे जलसंपदा व आपत्ती व्यवस्थापन मंत्री गिरीष महाजन यांच्या वाढदिवसाच्या निमित्ताने चोपडा न. पा. प्रभाग क्रमांक 13 मल्हारपुरा कन्या शाळा क्रमांक 2 येथे भा ज पा महिला जिल्हाध्यक्ष व स्थानिक नगरसेविका संध्या महाजन व नरेश महाजन यांच्या सहयोगाने दि. 16 एप्रिल रोजी आरोग्य शिबिर आयोजित करण्यात आले होते.

        शहरातील सुमारे 200 ते 250 महिला व पुरुषांनी सदर आरोग्य शिबिराचा लाभ घेतला. डॉ.डि.ओ. पाटील, डॉ अशोक कदम, डॉ सागर पाटील आणि डॉ गौरव नेवे यांनी आरोग्य शिबिरात नागरिकांची आरोग्य तपासणी केली. त्यापैकी काही नागरिकांना योग्य निदानासाठी पुढील चाचण्या तपासण्या करण्याचे सुचविले, तसेच पात्र लाभार्थी नागरिकांना महात्मा फुले जन आरोग्य योजना या अंतर्गत उपचारांबाबत मार्गदर्शन करण्यात आले. या आरोग्य शिबिरात उपस्थित नागरिकांचे डायबीेटीस, फुफुसांचे आजार, तसेच इतर आजार पोटाचे विकार, लिव्हर सोरायसिस, कावीळ, अस्थिरोग विकारांच्या तपासणी करण्यात आल्या. 

         या आरोग्य शिबिरास भा ज पा नगरसेवक डॉ. रोहन पाटील, तालुकाप्रमुख कांतीलाल पाटील, सरचिटणीस अशोक शिंपी, शहराध्यक्ष वैशाली भावसार, वैशाली माळी यांनी भेट दिली. तसेच या आरोग्य शिबिरास जितेंद्र महाजन , भैय्या गुलाब महाजन, गिरीश महाजन, आप्पाराज बाळा माळी यांचे सहकार्य लाभले.