संदीप गायकवाड यांची जळगाव ते पंढरपूर 485 किलोमीटर सायकल वारी.....

 

चोपडा (प्रतिनिधी) : - -

        संदीप गायकवाड यांची जळगाव ते पंढरपूर 485 किलोमीटर सायकल वारी.....

         चोपडा नगरपरिषदेचे कर अधिकारी संदीप गायकवाड यांनी जळगाव ते पंढरपूर हा सुमारे 485 किलोमीटरचा सायकल प्रवास यशस्वीरीत्या पूर्ण करून विठ्ठल भक्ती, शारीरिक तंदुरुस्ती आणि जिद्दीचे प्रेरणादायी उदाहरण घालून दिले. त्यांच्या या उल्लेखनीय कामगिरीबद्दल त्यांचा नगरपरिषधेत सत्कार करण्यात आला.

        या प्रसंगी माननीय नगराध्यक्ष सौ. नम्रता सचिन पाटील, उपनगराध्यक्ष पंकज बोलले तसेच सामाजिक कार्यकर्ते सचिन पाटील यांची प्रमुख उपस्थिती होती. सामाजिक कार्यकर्ते सचिन पाटील यांच्या हस्ते संदीप गायकवाड यांचा पुष्पगुच्छ देऊन सन्मान करण्यात आला.

          यावेळी उपस्थित मान्यवरांनी संदीप गायकवाड यांच्या जिद्द, चिकाटी व साहसी वृत्तीचे कौतुक केले. जळगाव ते पंढरपूर हा 485 किलोमीटरचा सायकल प्रवास पूर्ण करणे ही मोठी आणि प्रेरणादायी कामगिरी असून युवकांनीही आरोग्य, पर्यावरण संवर्धन आणि शिस्तीचा संदेश देणाऱ्या अशा उपक्रमांमध्ये सहभागी व्हावे, असे मत मान्यवरांनी व्यक्त केले. कार्यक्रमास नगरपरिषदेतील अधिकारी, कर्मचारी, मित्रपरिवार, नागरिक व हितचिंतक मोठ्या संख्येने उपस्थित होते. उपस्थितांनी संदीप गायकवाड यांचे अभिनंदन करून पुढील वाटचालीसाठी शुभेच्छा दिल्या.

          याप्रसंगी उपमुख्य अधिकारी - संजय मिसर, नगर अभियंता - डीगंबर वाघ, पाणीपुरवठा अभियंता - जितेंद्र मोरे, विद्युत अभियंता - प्रमोद पाटील, लेखपाल - मयूर शर्मा, लेखा परीक्षक - चेतन गडकर, कर निरीक्षक - प्रणव पाटील, स्वच्छता निरीक्षक - वसंत राठोड, दिपाली साळुंखे, जयेश भोंगे, भांडारपाल - महेश जोशी उपस्थित होते.