चोपडा ज्येष्ठ नागरिक संघाची कार्यकारिणी पुनः बिनविरोध - 5 नवीन स्वीकृत सदस्य

 

चोपडा (प्रतिनिधी)

         चोपडा ज्येष्ठ नागरिक संघाची कार्यकारिणी पुनः बिनविरोध - 5 नवीन स्वीकृत सदस्य 

       चोपडा शहरातील विठ्ठल मंदिर समोर नारायण वाडीत चोपडा ज्येष्ठ नागरिक संघाच्या कै. मगन लाल रामदास बडगुजर (साळुंखे) सभागृहात नुकतीच संघाची 34 वी वार्षिक सर्वसाधारण सभाउत्साहात व खेळीमेळीच्या वातावरणात पार पडली. सभेच्या प्रारंभी देशभरातील विविध क्षेत्रातील दिवंगतमान्यवर तसेच संघ सदस्यांना श्रद्धांजली अर्पण करण्यात आली. " खरा तो एकची धर्म " प्रार्थनेने वार्षिक सभेस प्रारंभ झाला.

         प्रारंभी भारत मातेच्या प्रतिमेचे पूजन अध्यक्ष जयदेव देशमुख यांनी केले. कोषाध्यक्ष दिलीपराव पाटील यांनी गतवर्षाच्या कालावधीत झालेला जमा खर्च सभे पुढे मांडला. तर वर्षभर राबविलेल्या विविध उपक्रमांचा आढावा वजा अहवाल स्वरूप वाचन जयदेव देशमुख यांनी केले. तसेच वार्षिक सभेचे इतिवृत्त वाचन - सूत्रसंचालन सचिव निवृत्त मुख्या.विलास पी.पाटील यांनी केले. विषय पत्रिकेतील विषयांवर खेळीमेळीच्या वातावरणात साधक बाधक चर्चा झाल्यानंतर, संघ पदाधिकारी व कार्यकारिणीचा 2 वर्षांचा कालखंड पूर्ण झाल्यामुळे 2026 ते 2028 साठी पदाधिकाऱ्यांसह  कार्यकारिणी निवडीचा मुख्य विषय वार्षिक सभे पुढे आला. तेव्हा गतवर्षी राज्यातील ग्रामीण भागात काम करणारा सर्वोत्कृष्ठ संघ म्हणून चोपडा ज्येष्ठ नागरिक संघास राज्यपुरस्कार मिळाला आहे, यास्तव जुने पदाधिकारी व कार्यकारिणी यांनाच पुन्हा 2 वर्षांसाठी संधी देण्यात यावी असे वार्षिक सभेत सर्वानुमते ठरले. सोबतच वार्षिक सर्वसाधारण सभेने विषय चर्चेत कार्य.सदस्य प्रा .श्यामभाई गुजराती यांनी उदाहरणांदाखल घेतलेल्या नावांतील 5 स्वीकृत सदस्यांची संघाच्या सुकाणू समितीने निवड करावी असे सर्वानुमते ठरले. त्यानुसार अध्यक्षपदी जयदेव देशमुख, उपाध्यक्ष - जे.एस. नेरपगारे, सचिव - विलास पी. पाटील / सहसचिव - विलास एस. पाटील / कोषाध्यक्ष - विजय देवांग यांची पुनः निवड करण्यात आली.

          यावेळी संघाचे माजी अध्यक्ष विजय करोडपती, संघ कार्यकारिणीतील ज्येष्ठ सदस्य माजी नगराध्यक्ष रमणलाल गुजराथी, प्रा.श्याम गुजराथी, एम.डब्ल्यू.पाटील, गोविंदा महाजन, जे.एस. नेरपगारे, राजेंद्र साळुंखे, शंकुतला गुजराथी, विलास एस. पाटील, ॲड. व्ही.बी. पाटील, विलास पी. पाटील  हे कार्यकारिणी पदाधिकारी - संचालक तसेच मधुकर बाविस्कर, प्रमोद डोंगरे, एन. डी. महाजन, सुभाष गुरुजी, रमेश शिंदे (तात्या), प्रा .अलिझाड, आर.एच.बाविस्कर, भीमराव देशमुख, प्रा.आर.जी.पाटील, अजबराव पाटील, प्रा.एस . एम्.पाटील, भगवान देशमुख, पत्रकार-अनिल पालिवाल, यशवंत जडे, राजेंद्र देशमुख, अरुण पाटील, गोकूळ पाटील, संजय बजाज, प्रमोद अहिरराव, सौ.ताराबाई पाटील, नलिनी बारोट-देशमुख, निर्मला पाटील या संह अनेक ज्येष्ठ नागरिक बंधू भगिनी उपास्थित होते.